काठमाडौं- कोरोना भाइरस संक्रमण फैलन नदिन सरकारले लगाएको लकडाउनको दोस्रो दिन उल्लंघन गर्ने सवारीसाधनको संख्या बढेको छ। पहिलो दिन ६६ वटा सवारीसाधन नियन्त्रणमा लिएको प्रहरीले दोस्रो दिन काठमाडौं उपत्यकामा मात्रै १ हजार ६३ सवारी साधन नियन्त्रणमा लिएको छ।
महानगरीय ट्राफिक प्रहरी महाशाखाका अनुसार लकडाउन उल्लंघन गरी चलाएका ९ सय २९ मोटरसाइकल र १ सय ३४ साना तथा ठूला सवारी नियन्त्रणमा लिएको जानकारी दिएको छ।
महाशाखाका प्रमुख प्रहरी वरिष्ठ उपरीक्षक भिमप्रसाद ढकालका अनुसार नियन्त्रणमा लिएका सवारी साधनलाई बुधबार दिनभर नियन्त्रण लिई सम्झाई बुझाई छाडिएको छ। घरबाट अनावश्यक रूपमा निस्केका सर्वसाधारणलाई घर फर्काईएको उनले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
