काठमाडौं- कोरानाकाे संक्रमण विश्वभर बढ्दै गएपछि नेपालले पनि कारोना संक्रमण निणन्त्रणका लागि १९ निर्णय गरेको छ। १९ निर्णयमध्ये १३ वटा निर्णयले स्वत: हवाई उडानमा प्रत्यक्ष असर गर्ने छ। सरकारको १३ निर्णयले नै हवाई उडान बन्द गनु नपर्ने अवस्था आएका छ।
सरकारले तत्काल नेपालबाट विश्वका विभन्न गन्तव्यमा उडान गर्ने र विश्वमा विभिन्न गन्तव्यबाट उडान गर्ने एयरलाइन्सको कम्पनीको उडान बन्द नगर्ने भएको छ। उडान बन्द नगर्ने निर्णय गरेपनि सरकारी निर्णयका कारण अधिकांश उडान अब आफै बन्द हुने अवस्थमा पुग्ने छन।
सरकारले नेपाल भ्रमणमा आउने पर्यटक र रोजगकारी लागि नेपालबाट बाहिर जाने कामदारलाई श्रम स्वीकृत स्थगन गर्ने निर्णय गरेको छ। यो निर्णयका कारण नै हवाई उडान गर्दै आएका एयरलाइन्स कम्पनीले स्वतः आफै उडान बन्द गर्नुपर्ने अवस्था आउने नेपाल नागरिक उड्डयन प्राधिकरणमा महानिर्देश राजन पोखरेल बताउँछन्। ‘सरकारले आगमन विन्दुमा विदेशीहरूलाई दिइँदै आएको अन अराइभल भिसाको व्यवस्था १४ मार्च २०२० को राति १२ बजेबाट लागू हुने गरी अप्रिल ३० २०२० सम्मका लागि स्थगन गर्ने निर्णय गरेको छ,’पोखरेलले भने, ‘यो निर्णय नै हवाई उडान रोक्नु सरह नै हो।’
नेपालबाट सिधा उडान हुने देशहरुमा भारत, मलेसिया, चीन, हङकङ, बंगलादेश, कतार, कुवेत, जापान र कोरिया रहेका छन्। यी देशमा नेपालबाट जाने यात्रु भनेकै बढी मात्रामा कामदार नै हुन्। कामदारलाई श्रम स्वीकृत नदिएपछि यी देशमा हँदै आएका उडान स्वतः कटौती हुने प्राधिकरणको भनाइ छ। केही एयरलाइन्स र देशले त उडान नै बन्द गरिसकेको छन्। हिमालयल एयरलाइन्सले चीन र कतार उडान बन्द गरिसकेको छ भने नेपाल एयरलाइन्सले पनि कतार उडान बन्द गरिसकेको छ।
साथै चिनियाँ ३ वटा एयरलाइन्सले पनि नेपाल उडान बन्द गरिसकेको छन्। कुवतेकाले पनि सबै उडान बन्द गर्ने निर्णय गरेपछि नेपाल उडान गर्दै आएका वातानिय र जजरिराको उडान पनि स्वतः बन्द भएकाे छ। अब बाँकी देश र एयरलाइन्सको उडान पनि भिसा नदिने निर्णय र कामदारको अन्मित श्रम स्वीकृत बन्द भएपछि स्वतः बन्द हुने अवस्था आउने हुँदा बन्दको निर्णय गर्नु नपरेको पोखरेल बताउँछन्।
विश्वका अधिकांश देशहरुले पनि कोराना संक्रमण नियन्त्रणका लागि भिसा नै स्थगन गर्ने निर्णय गरेको हुँदा नेपालले पनि त्यही गरेको हाे। जसका कारण उडान स्वतः आफै बन्द हुने प्राधिकरणको आँकलन छ। अध्ययनका लागि विदेश जाने विद्यार्थीहरूलाई ३० अप्रिल २०२० भित्र विदेश यात्र गर्ने गरी नो अब्जेक्सन सर्टिफिकेट जारी नगर्ने निर्णयबाट पनि एयरलाइन्सलाई असर गर्ने उनको भनाइ छ।
संक्रमण बढ्दै गएको अवस्थामा भने आवश्यकता अनुसार उडान पनि बन्द गर्न सकिने पोखरेलको दावी छ। पर्यटकको र कामदारको विषयमा सरकारले गरेको निर्णय नै उडान बन्द गर्नुपर्ने अवस्थामा स्वतः आउने सरकारको आँकलन छ।
यी हुन पर्यटक र कामदारको विषयमा सरकारले गरेका १३ निर्णय
१. सरकारले आगमन विन्दुमा विदेशीहरूलाई दिइँदै आएको अन अराइभल भिसाको व्यवस्था १४ मार्च २०२०को राति १२ बजेबाट लागु हुने गरी अप्रिल ३० २०२० सम्मका लागि स्थगन गर्ने।
२. यसपूर्व भिसा लिइसकेका विदेशीहरूले नेपालको आगमन विन्दुमा आइपुग्ने मितिभन्दा बढीमा सात दिनभित्रको स्वास्थ्य जाँच प्रमाणपत्र आगमन विन्दुको अध्यागमन कार्यालयमा पेश गर्ने व्यवस्था लागू गर्ने।
३. अति जुरूरी कारणबाट नेपालमा यात्रा गर्नुपर्ने व्यवस्थाका विदेशीले सम्बन्धित मुलुक वा नजिक रहेका नेपाली नियोगहरूबाट नेपाल आइपुगुने मितिभन्दा बढीमा सात दिनभित्रको स्वास्थ्य जाँच प्रमाणपत्र सहित भिसा आवेदन गर्नुपर्ने व्यवस्था लागु गर्ने।
४. गैरआवासीय नेपालीहरूलाई गैरआवासीय नेपाली परिचय पत्रका आधारमा आगमन विन्दुमा दिइँदै आएको अन अराइभल भिसा १४ मार्च २०२० को राति १२ बजेबाट लागु हुने गरी ३० अप्रिल २०२० सम्मका लागि स्थगन गर्ने। अत्यावश्यक कारणले नेपाल आउनुपर्ने अवस्थामा नेपाल आइपुग्नु पर्ने मितिभन्दा बढीमा सात दिनभित्रको स्वास्थ्य जाँच प्रमाणपत्र संलग्न गरी सम्बन्धित मुलुक वा नजिकमा रहेको नेपाली नियोगहरूबाट भिसा लिनुपर्ने व्यवस्था लागू गर्ने।
५. मार्च १४ २०२० देखि नेपाल प्रवेश गर्ने विदेशीहरूले सेल्फ क्वारेन्टिनमा र नेपाली नागरिक तथा गैरआवासीय नेपालीले होम क्वारेन्टिनमा १४ दिनसम्म बस्नुपर्ने व्यवस्था लागू गर्ने।
६. कूटनैतिक र अफिसियल भिसा प्राप्त विदेशीहरू पहिलो पटक नेपाल प्रवेश गर्दा वा बाहिर यात्रा गरी नेपाल फर्किँदाको अवस्थामा १४ दिन सेल्फ क्वारेन्टिनमा बस्नु पर्ने व्यवस्था लागू गर्ने।
७. व्यवसायिक अध्ययन र कामदार भिसा प्राप्त गरेका विदेशीहरू विदेश यात्राबाट नेपाल फर्केपछि १४ दिन सेल्फ क्वारेन्टिनमा बस्नु पर्ने व्यवस्था लागू गर्ने।
८. विदेशमा रहेका नेपाली नागरिकहरूलाई अत्यावश्यक अवस्थामा बाहेक यात्रा नगर्न र विदेशमा रहँदा उच्च सतर्कता र सावधानी अपनाउन अनुरोध गर्ने।
९. तेस्रो मुलुकका नागरिकहरूलाई स्थलमार्ग हुँदै नेपाल प्रवेश गर्न दिइँदै आएको सुविधा १४ मार्च २०२० राति १२ बजेदेखि लागू हुने गरी ३० अप्रिल २०२० सम्मका लागि स्थगन गर्ने।
१०. अर्को सूचना नभएसम्म वैदेशिक रोजगारीका लागि दिइने श्रम स्वीकृति स्थगन गर्ने।
११. अध्ययनका लागि विदेश जाने विद्यार्थीहरूलाई ३० अप्रिल २०२० भित्र विदेश यात्र गर्ने गरी नो अब्जेक्सन सर्टि्फिकेट जारी नगर्ने।
१२. नेपालमा पर्वतारोहण गर्ने गरी सन् २०२० को वसन्त ऋतुका लागि जारी गरिएका वा जारी गरिने अनुमति पत्र हाललाई स्थगित गर्ने।
१३. नेपालमा आयोजना हुने अन्तर्राष्ट्रिय सभा सम्मेलन समारोहहरूलाई मे ३१ २०२० सम्मका लागि स्थगित गर्ने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
