काठमाडौं– जीवनजलको उत्पादनको १० महिना पछि नेपाल औषधि लिमिटेडले सिटामोल उत्पादन सुरु गरेको छ । उत्पादनको एक चौथाइ अर्थात् ८० हजार ट्याबलेट परिक्षणको लागि बजारमा लैजाने तयारी गरिएको छ।
औषधि लिमिटेडका महाप्रवन्धक रोवस कुसुम सुवेदीले उत्पादित सिटामोलको एक चौथाई बजारमा पठाउने तयारी भइरहेको बताए।
८० हजार ट्याबलेट परिक्षणको लागि बजारमा पठाउने उनले बताए । परीक्षणको नतिजा यही हप्ताभित्र अाउने उनले बताए । परिक्षणको क्रममा बजारबाट प्रतिक्रिया आयअनुसार व्यापारका लागि सिटामोल उत्पादन गरिने सुवेदीले बताए।
औषधि उत्पादन भवन निर्माण भइसकेको छ । मेसिनहरु पनि समयमै आएपनि मेसिन जडान गर्ने इञ्जिनियर भारतबाट ढिला आइपुग्दा उल्लेखित समयमा सिटामोल उत्पादन गर्न नसकिएको उनले जानकारी दिए।
‘औषधिको गुणस्तर कस्तो छ ? जाँच गरेपछि मात्र हामीले बजारमा लैजाने औषधिको उत्पादन गर्ने हो त्यसको समय लाग्छ ,’ उलने भने, ‘फागुन महिनाभित्र औषधी बजारमा लैजाने तयारिका साथ काम गर्दैछौँ ।’
जीवनजल उत्पादनपछि त्यसको माग धेरै भएर पुर्याउन नसकेको उनी बताउँछन् । त्यसैले सिटामोल उत्पदनन गरेर बजारमा पठाउनु भन्दा पहिले केही स्टक समेत उत्पादन मात्र बजारमा पठाउने तयारी रहेको सुवेदीले बताए । त्यसको लागि १५ लाख औषधिको चक्की उत्पादन गर्नुपर्ने बताए।
उनले भने, ‘औषधीको माग धेरै छ बजारमा । १३ करोड प्यारासिटामोल ट्याबलेट स्वास्थ्य मन्त्रालयमात्र किन्छ । त्यसबाहेक अस्पतालहरुले किन्ने छुट्टै छ ।’ बजारको सबै माग पूरा गर्नको लागि उत्पादन क्षमता बढाउनुपर्ने उनले बताए।
सुवेदीका अनुसार अहिले उद्योगमा तीन लाख २० हजार ट्याबलेट सिटामोल उत्पादन गर्ने क्षमता रहेको मेसिन छ । यति उत्पादन गरेर तयार पार्न ३ देखि४ दिनको समय लाग्ने उनले बताए।
‘अहिले जुन मेसिनहरु प्रयोग गरेर औषधि उत्पादन गर्न लागेका छौं,’ उनले भने, ‘हामी यसमा नयाँ छौं । त्यसैले कस्तो बन्छ ? के खराबी हुन्छ ? सबै चिजको परीक्षण गर्नुपर्छ त्यसपछि मात्रे बजारमा पठाउने उत्पादन गर्ने हो।’
लामो समय बन्द भएको लिमिटेड गत वर्षदेखि सञ्चालनमा आएको थियो सञ्चालनमा आएपछि जीवनजल तथा डिस्टिलरी वाटर उत्पादन गर्दै आएको छ । लिमिटेडले गत वैशाख २४ गतेबाट जीवनजल उत्पादन गरी बजारमा पठाएको थियो।
उत्पादन प्रक्रिया विश्व स्वास्थ्य संगठले तोकेको कुशल उत्पादन अभ्यास (जीएनपी ) अनुसार छ । गुण तथा नापतौल नियन्त्रण विभागको मापदण्ड अनुसार प्रयोगशाला बनाएको, भौतिक पूर्वधार तथा प्रक्रिया पूरा गरी उत्पादन थालिएको बुझिएको छ।
औषधिमा आत्मनिर्भर बन्ने उद्देश्यले २०२९ सालमा लिमिटेड स्थापना भएको हो । उद्योगले २०६० सालसम्म आइपुग्दा १ सय २० प्रकारका औषधि उत्पादन गर्दै आएको थियो । तर विश्व स्वास्थ्य संगठनको मापदण्ड जिएमपी पूरा गर्न नसकी २०६७ सालदेखि बन्द भएको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
