धनगढी- कैलालीको धनगढीमा चार थान पेस्तोलसहित तीन जना पक्राउ परेका छन्।
प्रहरीको केन्द्रीय अनुसन्धान ब्युरोसहित जिल्ला प्रहरी कार्यालयको टोलीले बुधवार साँझ धनगढी उपमहानगरपालिका वडा नम्बर ३ चटकपुरस्थित एक घरबाट चार थान पेस्तोल, सुनका गहनासहित तीन जनालाई पक्राउ गरेको हो।
धनगढी ६ का सन्जय राणासहित अन्य दुई जना पक्राउ परेको प्रहरीले जनाएको छ। उनीहरुबाट राष्ट्र बैंकका नक्कली कागजात, किर्ते तमसुक, सुनका गहना पनि बरामद गरिएको छ।
बरामद गरिएको सुनको परिणाम भने प्रहरीले खुलाएको छैन। अर्काको घरमा कोठा भाडामा लिएर बसिरहेका तीनै जनाका बारेमा जानकारी पाएपछि उनीहरुलाई पक्राउ गर्न केन्द्रीय अनुसन्धान ब्युरोको टोली धनगढी आइपुगेको थियो।
जिल्ला प्रहरी कार्यालय कैलालीका डिएसपी दक्षकुमार बस्नेतले पेस्तोलसहित तीन जना पक्राउ परेको पुष्टि गरे। यद्पि घटनाको विस्तृत जानकारी भने पत्रकार सम्मेलनमार्फत बाहिर ल्याउने उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
