काठमाडौं- बालुवाटारस्थित ललिता निवासको सरकारी जग्गा अनियमिततामा मुछिएका ५८ जनालाई अख्तियार दुरुपयोग अनुसन्धान आयोगले बयानका लागि बोलाएको छ।
बुधबार अख्तियारले सार्वजनिक सूचना जारी गर्दै बयानका लागि बोलाएको हो। अनियमितताको छानबिनका लागि आरोपितहरुलाई सात दिनको समय दिइएको छ।
बयानका लागि कामना गुरुङ, मनोजकुमार केडिया, सिपिका खेतान, कल्पना तुलाधरलगायत गरी ५८ जनालाई बोलाइएको हो।
पूर्वसचिव शारदाप्रसाद त्रितालको जाँचबुझ आयोगले डा शोभाकान्त ढकाल र रामप्रसाद सुवेदीलाई ‘भूमाफिया’ नै किटान गरी प्रतिवेदन सार्वजनिक गरेको थियो। सो प्रतिवेदन सार्वजनिक भएपछि ललिता निवासको सरकारी जग्गा अनियमितताका बारे अख्तियारले छानबिन थालेको थियो।
यसअघि पनि अख्तियारले २ पटकसम्म सार्वजनिक सूचना प्रकाशन गरी अनियमिततामा मुछिएकाहरुलाई बयानका लागि बोलाएको थियो। अख्तियारले गत असार ११ र १२ मा सूचना प्रकाशित गर्दै ८९ जनालाई बयानका लागि डाकेको थियो।
असार ११ मा प्रकाशित सूचनामा ‘भू-माफिया’ किटान गरिएका शोभाकान्त ढकाल र रामकुमार सुवेदीको परिवारका सदस्यलाई बयानका लागि बोलाइएको थियो। बयानका लागि बोलाइनेमा भाटभटेनी डिमार्टमेन्टल स्टोर्सका सञ्चालक मीनबहादुर गुरुङका पुत्र कल्याण गुरुङसहित ८६ जना ‘मोही कायम गरिएकाहरु' थिए।
सोको एक दिनपछि असार १२ मा अख्तियारले अर्को सूचना निकाल्दै ‘भू-माफिया’ ढकाल र सुवेदीसहित हुपेन्द्रमणि केसीको नामसमेत प्रकाशित गरेको थियो।
'भ्रष्टाचार निवारण ऐन, २०५९' दफा ४३ का आधारमा बयानका लागि बोलाइएको हो। बयानका लागि बोलाइएका अधिकांश व्यक्तिहरुले ललिता निवासको मोही भनी दाबी गर्दै आएका थिए।
अख्यितारले ५८ जनाकै नाम र कित्ता नम्बर उल्लेख गरी सूचना जारी गरेको छ।
यस्तो छ नामावलीः
सम्बन्धित समाचार
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
