काठमाडौं- अर्थमन्त्री डा युवराज खतिवडाले 'प्यान अनिवार्य' भन्ने व्यवस्था नागरिकता जस्तै अनिवार्य भएको बताएका छन्।
नेपाल चेम्बर अफ कमर्सले आज काठमाडौंमा गरेको कार्यक्रममा मन्त्री खतिवडाले अनौपचारिक अर्थतन्त्रलाई ओपचारिकमा लैजान यस्तो व्यवस्था गरिएको भन्दै राष्ट्रिय परिचयपत्र बनेपछि यी सबै अनिवार्य हुने बताए।
प्यानको दायरामा आउने व्यक्तिको संख्या बढ्दै गएको भन्दै उनले प्यान लिन सजिलो हुने गरि काम गर्ने बताएका छन्। नागरिकता नभएको वा अल्पकालीन काम गर्नेलाई प्यान दिन परेको समस्या सहजीकरण गर्न सरकार तयार रहेको उनको भनाइ थियो।
अर्थमन्त्री खतिवडाले भ्याट फिर्ता हटाइएको विषयमा छलफल गर्न नसकिने भन्दै भ्याट फिर्ताको विषय लुतोजस्तै भएको र अब त्यसलाई फालिएको उल्लेख गरे।
ढुवानीका साधन एउटाको नाममा दर्ता हुने र अर्काले आफूखुसी चलाउने भइरहेको भन्दै मन्त्री खतिवडाले कुनै पनि व्यवसाय विना दर्ता चल्न नसक्ने बताए। ढुवानी व्यवसाय पनि सार्वजनिक यातायात भएको भन्दै उनले दर्ता नगरी कर नतिरी चलाउन नहुने तर्क दिए।
ढुवानी व्यवसायीलाई पारदर्शी र व्यवस्थित बनाउन यो व्यवस्था गरिएको उनको भनाइ थियो। 'यो व्यवस्थाले व्यावसायिक लागत बढ्दैन,' उनले भने।
चीनतर्फको व्यापारमा चाहेर पनि कारोबार मूल्य स्थापित गर्न नसकिएको भन्दै उनले भारततर्फको व्यापार अनौपचारिक रूपमा पनि हुने गरेकाले समस्या रहेको औंल्याए। कारोबार मूल्यमा भन्सार लगाउने हो भने बैंकिङ प्रणाली र एलसी अनिवार्य हुनुपर्ने उनको भनाइ थियो।
अर्थमन्त्री खतिवडाले २२ प्रतिशतको राजस्व वृद्धिबाट आफू सन्तुष्ट भएको भन्दै व्यवसायमैत्री राजस्व प्रणाली चलाउन आफू तयार रहेको उल्लेख गरे। (फाइल तस्बिर)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749801778.jpg)
-1749797959.png)
-1749979333-1749983311.jpg)
-1749826086.png)
