काठमाडौं– नेपाल एयरलाइन्सले यात्रु र क्रु मेम्बर बोक्ने चार वटा र्याम्प बस खरिदको प्रक्रिया अगाडि बढाएको छ।
एयरलाइन्सले त्रिभुवन अन्तर्राष्ट्रिय विमानस्थलको भूमि सेवा थप स्तरीय प्रदान गर्न नयाँ ४ वटा र्याम्प बस खरिद गर्न लागेको जनाएको छ।
नयाँ चार वटा र्याम्प बस आएपछि बिजनेस क्लास र क्रुहरुले छुट्टै बसको सुविधा पाउनेछन् भने अरु यात्रुहरुलाई पनि थप सुविधा मिल्नेछ निगमले जनाएको छ।
साथै यही हप्ताभित्र विशिष्ट तथा अति विशिष्ट व्यक्तिको लागि नयाँ भिआइपी र्याम्प कोच संचालनमा ल्याउने निगमले जनाएको छ।
निगमले भूमि सेवामा प्रयोग भएका तर अहिले पुराना भै उपयोगमा आउन नसक्ने उपकरणहरुलाई लिलाम प्रक्रियाद्धारा विस्थापन गरेको समेत जनाएको छ।
लिलामी प्रक्रियाबाट विस्थापन गर्दा निगमलाई ३२ लाख ६४ हजार ४४४ रुपैयाँ आम्दानी भएको छ। पुरानालाई विस्थापित गर्दै नयाँ प्रविधियुक्त थप उपकरण जस्तै टोबार लेस ट्रयाक्टर, कन्टेनर डली, प्यालेट डली, इलेक्ट्रिक फर्कलिफ्ट, ग्राउण्ड पावर युनिट आदि खरिद गरिने कार्य निकै अघि बढिसकेको निगमकोभनाइ छ।
सिता लोड कन्ट्रोल सिस्टम अन्र्तगत यात्रुहरुको व्यागेज ट्रयाकिङ्ग प्रणालीको स्तरोन्नति गर्ने काम भएको छ। यसबाट निगमको उडानमा यात्रा गर्ने यात्रुहरुको व्यागेज थप व्यवस्थित किसिमले ह्याण्डलिङ गर्न मद्दत पुगेको निगमको दाबी छ।
आन्तरिक उडानका यात्रुहरुलाई सहयोग पुगोस् भन्ने उद्देश्यले निगमले आन्तरिक तर्फ त्रिभुवन अन्तर्राष्ट्रिय विमानस्थलमा समेत टिकट विक्री कक्ष खोलेको छ। यसबाट आन्तरिक उडानमा यात्रा गर्ने यात्रुहरुलाई टिकट खरिद गर्न तथा कार्गो बुक गर्न सहज भएको छ। जसले गर्दा निगमको आयस्रोतमा पनि थप वृद्धि भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770562345.jpg)
-1764146706.png)
