भदौ– प्रथम जेसिज कप फुटवलको उपाधी मनाङ मस्र्याङ्दी क्लवले जितेको छ। सोमवार नारायणगढको क्याम्पाचौरमा भएको फाईनल खेलमा प्रतिस्पर्धामा विभागीय टिम सशस्त्र प्रहरी वलको एपिएफलाई २–१ गोलले पराजित गर्दै मनाङले उपाधि जितेको हो।
विजयी भएबापत मनाङ नगद ३ लाख ५० हजार रुपैयाँबाट सम्मानित भएको छ। उपविजेतामा चित्त वुझाएको एपिएफले ट्रफीसँगै नगद १ लाख ७५ हजार प्राप्त गरेको छ। विजेता उपविजेतालाई नेपाल जेसिजका राष्ट्रिय अध्यक्ष प्रकाशप्रसाद अधिकारीले पुरस्कार प्रदान गरे।
फाईनलमा मनाङले पहिलो हाफमा २ गोलको अग्रता बनाएको थियो। एपिएफले पहिलो हाफमा गोल गर्ने केही अवसर सदुपयोग गर्न सकेन्। मनाङका लागि पहिलो हाफको १९ र ४० औं मिनेटमा सुजल श्रेष्ठले गोल गरे।
दोश्रो हाफमा आक्रमक रुपमा प्रस्तुत भएको एपिएफका लागि ६४ मिनेटमा हरी कार्कीले सान्त्वना गोल गरे। दोश्रो हाफमा पनि एपिएफले धेरै अवसर चुकाएको थियो।
एपिएफका हरी कार्की ‘प्लेयर अफ दि म्याच’ घोषित भए। उनलाई ५ हजार नगदबाट पुरस्कृत गरियो। ‘प्लेयर अफ दि सिरिज’ र सर्वाधिक गोलकर्ताको उपाधि मनाङका सुजल श्रेष्ठले जिते। उनले उत्कृष्ट खेलाडी र सर्वाधिक गोलकर्ताबापत २० हजार नगर प्राप्त गरे। उत्कृष्ठ गोलकिपर मनाङकै दिनेश थापा घोषित भए। उनले पनि नगद १० हजार पुरस्कार पाए।
उत्कृष्ट टिम घोषित झापा ११ ले नगद १० हजारनै प्राप्त गर्यो । गत १७ गतेदेखी सुरु भएको प्रतियोगितामा दुई विभागीयसहित १० टिमको सहभागिता रहेको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
