कविता : रूखमुनिको छाया

निर्भीकजङ्ग रायमाझी

Nepal Live

रूखमुनि 
रूखकै मात्र छाया नहुन सक्छ 

जवानी चुलबुलिएर लहरिने
पातको मात्र अस्तित्व
नहुन सक्छ

रूखमुनि त 
सिन्कासिन्का जोडेर हाँगामा पृथ्वी बसाउने
न्याउलीको पनि छाया हुन सक्छ 
टोड्काभित्र लुकेर भूमिगत 
पृथ्वी चिहाउने लाटकोसेरोको चुच्चो हुन सक्छ

अनि जटाजस्ता लामालामा लहरा
सर्पझैं हिडेको देखिन सक्छ रूखमुनि
नआत्तिहाल्नु!
आखिर यी सबै छाया न हुन्
 
तर कहिलेचाहिँ
भागेर जीवनदेखि 
सदा विश्राम लिन भनी
हाँगामा झुण्डिरहेको कुनै 
आकृति भेटिन सक्छ रूखमुनि ।
००

प्राप्त प्रतिकृयाहरू

पढ्नै पर्ने