सन्दीप लामिछाने एपिएल खेल्न मलेसियाबाट यूएई जाने

Nepal Live

काठमाडौं- नेपाली राष्ट्रिय क्रिकेट टिमका लेग स्पिनर सन्दीप लामिछाने अफगानिस्तान प्रिमियर लिग (एपिएल) टी–२० क्रिकेट प्रतियोगिताका लागि युएई जाने भएका छन्।

हाल आइसिसी टी–२० विश्वकप छनोटका लागि मलेसिया रहेका सन्दीप शनिबार युएई जाने नेपाल टिमका व्यवास्थापक रमन सिवाकोटीले जनाएका छन्। छनोट प्रतियोगिता शुक्रबार सकिएपछि सन्दीप युएई जान लागेको हुन्। छनोटमा च्याम्पियन बनेको नेपाली टिमका अन्य सदस्य भने शनिबार दिउँसो नेपाल फर्कदै छन्।

सन्दीप एपिएलमा नान्गहर लियोपार्डमा आवद्ध छन्। आइसिसी एसोसिएट नेसन्स क्याटागोरीमा रहेका सन्दीपले १५ हजार अमेरिकी डलरमा आवद्ध भएका थिए। एपिएल असोज १९ देखि सुरु भएपनि सन्दीप टी–२० छनोटका लागि मलेसिया गएका थिए।

सन्दीपको टिम नान्गहरले अब चार खेल खेल्न बाँकी छ। सन्दीप रहेको नान्गहर टिममा पाकिस्तानका मोहमद हाफिज, बंगलादेशका मुस्फिकर रहिम, न्युजिल्यान्डका मिचेल म्याक्लिङघन, अस्ट्रेलियाका बेन कटिङ, बंगलादेशका तमिम एकबाल, अफगानिस्तानका मुजिब उर रहमान, वेस्ट इन्डिजका आन्द्रे रसेल लगायत छन्।

कात्तिक २ सम्म चल्ने प्रतियोगितामा ५ टिमको सहभागिता रहेको छ। जसमा काबुल जाउनान, बाल्ख लिजेन्ड, पाक्किया प्यान्थर्स, नान्गहर लियोपार्ड र कान्दहर नाइट्स रहेका छन्। लिगमा चौथो चरणको खेल जारी रहदा काबुल ३ खेल जित्दै शीर्ष स्थानमा छ। बाल्खले पनि ३ खेल जितेको छ। पाक्कियाले २ खेल जित्दा सन्दीफको नान्गहरले ४ मध्ये १ खेलमा मात्र जित हात पार्न सकेको छ। लिगको अन्तिम स्थानमा रहेको कान्दहरले ३ खेलेकोमा तीनै खेल गुमाएको छ। 


 

प्राप्त प्रतिकृयाहरू

ŘÅM ĶÅŘĶÏ BĪŇĐħ
Badhai xa nepali cricket team and sandip lamichhane vailai ani sandip vai dasi chai manaunu pardaina aspalee

तपाईको प्रतिक्रिया

यसमा तपाइको मत


सम्बन्धित समाचार