काठमाडौ– ‘रिड नेपाल’ नामक सामाजिक संस्थाले नेपालकै पहिलो अपांगमैत्री तथा बहुप्रकोप प्रतिरोधात्मक सामुदायिक पुस्तकालय निर्माण गरेको दावी गरेकाे छ।
नुवाकोटको बेलकोट नगरपालिका–२ मा जनजागरण सामुदायिक पुस्तकालयमा बाल कक्ष, सूचना, सञ्चार, प्रविधि कक्ष, विपद् जोखिम न्यूनीकरण कक्षलगायत ९ वटा कक्ष र ४ वटा पहुँचयोग्य शौचालय हालै निर्माण गरिएको छ।
जनजागरण सामुदायिक पुस्तकालयको पुनःनिर्माण तथा समुदायमा आधारित समावेशी विपद् जोखिम न्यूनीकरण परियोजनाअन्तर्गत निर्माण भएको उक्त पुस्तकालय भवन निर्माणमा १ करोड ७५ लाख रुपैयाँ खर्च गरिएको संस्थाका अधिकृत चिनकाजी श्रेष्ठले जानकारी दिए।
मुलुकका विभिन्न स्थानमा पुस्तकालयको विकास गर्दै आएको उक्त संस्थाले समुदायमा आर्थिक सशक्तीकरणका विभिन्न परियोजना पनि सञ्चालनमा ल्याएको छ। रासस
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।