काठमाडौं– लिओनल मेसीले पुनरागमन गरेको खेलमा इन्टर मियामी पराजित भएको छ।
बिहीबार सम्पन्न खेलमा लियोनले इन्टर मियामीलाई ३–२ ले पराजित गर्दै लिग्स कपको नकआउट चरणमा स्थान बनाएको हो। यस खेलमार्फत आफ्ना बुबाको निधनपछि अर्जेन्टिनाका स्टार मसी पनि मैदानमा फर्किएका थिए।
मियामीको न्यु स्टेडियममा भएको खेलमा मेसी दोस्रो हाफको सुरुआतमै मैदान प्रवेश गरे। गत शनिबार ६८ वर्षको उमेरमा उनका पिता होर्खे मेस्सीको निधन भएपछि यो मेसीको यो पहिलो खेल थियो।
बुबाको निधनपछि मेसी केही दिनका लागि आफ्नो जन्मभूमि अर्जेन्टिना पुगेका थिए। त्यसकारण उनले शनिबार मोन्टेरेविरुद्ध इन्टर मियामीको २–१ को हार बेहोरेको खेल गुमाएका थिए। तर‚ लियोनविरुद्धको खेलमा उनी बेन्चमा रहेका थिए। दोस्रो हाफ सुरु हुँदा डानियल पिन्टरको स्थानमा मैदान प्रवेश गरे।
खेलको पहिलो हाफमा इन्टर मियामीले अग्रता लिएको थियो। ४२औं मिनेटमा इयान फ्रेको पासमा डानियल पिन्टरले गोल गर्दै मियामीलाई १–० ले अघि बढाएका थिए।
तर‚ दोस्रो हाफमा लियोनले शानदार पुनरागमन गर्यो। ५०औं मिनेटमा डानियल आर्सिलाले पेनाल्टी क्षेत्रको मध्यभागबाट दायाँ खुट्टाले प्रहार गर्दै बराबरी गोल गरे। त्यसपछि ८३औं मिनेटमा उनले गोल गर्दै लियोनलाई ३–२ को निर्णायक अग्रता दिलाए। यो प्रतियोगितामा आर्सिलाको चौथो गोल हो।
लियोनका लागि जुआन पाब्लो डोमिङ्गेजले पनि गोल गरे। इन्टर मियामीका लागि यानिक ब्राइटले एक गोल गरे पनि टोलीलाई हारबाट जोगाउन सकेनन्। दोस्रो हाफमा अग्रता जोगाउन नसकेको यो इन्टर मियामीको लगातार दोस्रो खेल हो।
सन् २०२३ मा लिग्स कपको उपाधि जितेको तथा गत वर्ष फाइनलसम्म पुगेको इन्टर मियामी यसपटक भने प्रतियोगिताबाट बाहिरिएको छ।
मोन्टेरेसँगको हारपछि एमएलएस तालिकामा १२औं स्थानमा रहेको मियामीको नकआउट चरणमा पुग्ने सम्भावना यसअघि नै कमजोर बनेको थियो। प्रतियोगिताको क्वार्टरफाइनलमा एमएलएसका शीर्ष चार र मेक्सिकोको लिगा एमएक्सका शीर्ष चार टोलीले स्थान बनाउनेछन्।
लिग्स कपका सुरुआती दुवै खेल जितेपछि लियोन लिगा एमएक्सको तालिकामा शीर्ष स्थानमा उक्लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786513116.png)
