तीनकुने घटनामा छानविनका लागि थप ६ जना पक्राउ

समाचार

नेपाल लाइभ मंगलबार, चैत २६, २०८१ ११:२९

काठमाडौं –यहि चैत्र १५ गते काठमाडौँको तीनकुने क्षेत्रमा राजावादी प्रदर्शनको क्रममा भएको हिंसात्मक घटनामा प्रहरीले छानविनका लागि थप ६ जनालाई पक्राउ गरी सार्वजनिक गरेको छ । जिल्ला प्रहरी परिसर काठमाडौंले पक्राउ परेका ६ जनाविरूद्ध आपराधिक उपद्रव र संगठित अपराध कसुरमा अनुसन्धान भइरहेको जानकारी दिएको छ ।

पक्राउ पर्नेमा सर्लाही घर भई ललितपुरको टिकाथली बस्ने २२ वर्षीय अमित शाह, धरान घर भई काठमाडौं बस्ने १९ वर्षीय सुमन कार्की, बर्दियाका ३४ वर्षीय हेमराज थारू, धादिङका २७ वर्षीय दिवस बोगटी क्षेत्री, काभ्रेकी ३० वर्षीया अनिता कुँवर (एनी) र सिन्धुपाल्चोकका ३० वर्षीय कुमार तामाङ छन् ।

यो सँगै घटनामा पक्राउ पर्नेको संख्या ७३ जना पुगेको छ । दुर्गा प्रसाईंको आह्वानमा राजसंस्था पुनर्स्थापनाका लागि भन्दै तीनकुनेमा भएको प्रदर्शनमा दुई जनाको मृत्यु भएको थियो । घटनाका मुख्य आरोपित मानिएका दुर्गा प्रसाई भने अझै फरार रहेका छन् । उनको खोजीकार्य जारी रहेको प्रहरीले जानकारी दिएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

उच्चस्तरीय संयन्त्रको बैठकपछि गृहमन्त्रीले भने– सत्ता समीकरणमा कुनै समस्या छैन

कांग्रेस-एमालेको उच्चस्तरीय राजनीतिक संयन्त्रको बैठक जारी, गगन थापा अनुपस्थित

८ उपसचिव र २५ जना शाखा अधिकृतको सरुवा- कसलाई कहाँ खटाइयो ? [सूचीसहित]