विश्वकै सबैभन्दा प्रदूषित शहर बन्यो इराकको बगदाद

समाचार

नेपाल लाइभ बिहीबार, चैत २१, २०८१ १०:३९

काठमाडौँ –इराकको बगदाद शहर सबैभन्दा प्रदूषित शहरको सूचीमा पहिलो नम्बरमा अटाएको छ । प्रदूषित सहरको सूचीमा काठमाडौँ दोस्रो स्थानमा छ । काठमाडौँको वायुको गुणस्तर धेरै अस्वस्थकर रहेको आईक्यू एयरले जानकारी दिएको हो ।

आज बिहान साढे ९ बजेको सूची अनुसार नेपालको एक्यूआई ३७३ रहेको छ । वायु प्रदूषणको यो स्तरलाई स्वास्थ्यको दृष्टिकोणले निकै जोखिमपूर्ण मानिन्छ । एक्यूआईको स्तर ५० सम्मलाई पनि स्वास्थ्य मान्ने गरिन्छ ।

यहाँ पीएम २.५ को स्तर विश्व स्वास्थ्य संगठनले तय रहेको मापदण्डभन्दा ५२.४ गुणा बढी रहेको छ । हाललाई बाहिर व्यायाम गर्न बन्द गर्न, मास्कको प्रयोग गर्न, झ्यालहरू बन्द गर्न र एयर प्युरीफायरको प्रयोग गर्न सुझाव दिएको छ । यता बगदाद शहरको वायुको गुणस्तर भने नेपालको भन्दा पनि धेरै जोखिम रहेको छ ।

नेपालभन्दा माथि रहेको इराकको बगदाद शहरको एक्यूआई ५५२ रहेको छ । जुन सबैभन्दा खराब अवस्था हो । तेस्रो स्थानमा भारतको राजधानी नयाँ दिल्ली रहेको छ । त्यहाँ एक्यूआई २०८ मापन गरिएको छ ।

त्यसपछि शीर्ष १० प्रदूषित सहरहरूमा क्रमशः पाकिस्तानको लाहोर, भारतको मुम्बई, यूएईको दुबई, चीनको हाङझाउ, थाइल्याण्डको चियाङ माई, भियतनामको हानोई र इजिप्टको कायरो रहेका छन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चिठी आदानप्रदान हुन छाडेपछि गोरखाका २१ अतिरिक्त हुलाक कार्यालय बन्द

भीमफेदी डढेलोमा जलेर एक जनाको मृत्यु

हैदराबादविरुद्ध कोलकाताको बलियो योगफल