पूर्व राजा शाहको सुरक्षामा खटिएको सशस्त्रको सेट परिवर्तन

सुरक्षा/अपराध

नेपाल लाइभ आइतबार, चैत १७, २०८१ ०९:२०

काठमाडौं – सरकारले पूर्व राजा ज्ञानेन्द्र शाहको सुरक्षामा तैनाथ सशस्त्र प्रहरी बल एपिएफको सेट नै परिवर्तन गरिएको छ भने सुरक्षाकर्मीको सङ्ख्या पनि घटाइएको छ । पूर्वराजा ज्ञानेन्द्रले यसअघि पूर्व अतिविशिष्ट व्यक्तिले पाउने सुरक्षाकर्मीसँगै अतिरिक्त सुविधा लिँदै आएका थिए । सरकारले यो सुविधा कटौती गरी पूर्व राजाको हकमा पूर्व राष्ट्रपतिले पाउने सुरक्षा व्यवस्था अनुसार सङ्ख्या कटौती गरेको हो ।

गृह मन्त्रालयले सबै पूर्व विशिष्ट व्यक्तिलाई समान सुरक्षा व्यवस्था उपलब्ध गराउने निर्णय गर्दै पूर्व राजा ज्ञानेन्द्रको सुरक्षामा तैनाथ नौ जना सुरक्षाकर्मी घटाएको जनाएको छ । पूर्व अतिविशिष्ट व्यक्तिका लागि सरकारले सशस्त्र प्रहरी बलको कार्यदल मार्फत सशस्त्र प्रहरी बलका प्रहरी नायब उपरीक्षक डिएसपीको नेतृत्वमा १६ जना सुरक्षाकर्मी खटिने व्यवस्था गरेको छ । तर, यसको अतिरिक्त पूर्वराजा ज्ञानेन्द्रको हकमा सरकारले २५ जना खटाएको थियो ।

त्यसैगरी गृह मन्त्रालयले पूर्व राजाको सुरक्षामा तैनाथ युनिट नै परिवर्तन गरेको छ । यसअघि पूर्व राजाको सुरक्षामा सशस्त्र प्रहरी बलका जगदीश हमाल नेतृत्वको टोलीमा सुरक्षाकर्मी खटाइएकोमा त्यसलाई हटाएर मन्त्रालयले सशस्त्र प्रहरी नायब उपरीक्षक प्रमोदप्रकाश पाठक नेतृत्वमा १६ जना सुरक्षा टोली खटाएको हो ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सांसद दीपक बोहराको निधनमा संसद्‌बाट शोक प्रस्ताव पारित

असामान्य रूपमा तातो ग्रीष्म ऋतु आउने भारतीय मौसम पूर्वानुमानकर्ताहरूको चेतावनी

चुडामणि चापागाईं बने नेप्सेको सीइओ