महिलालाई अवसर दिए प्रधानमन्त्री बनेर सबैभन्दा राम्रो काम गर्छन्: मन्त्री यादव

समाचार

नेपाल लाइभ सोमबार, चैत ११, २०८१ १३:४०

काठमाडौँ–खानेपानी मन्त्री प्रदीप यादवले महिलालाई अवसर दिए देशको प्रधानमन्त्री बनेर सबैभन्दा राम्रो काम गर्न सक्ने बताएका छन्।

सोमबार काठमाडौँमा खानेपानी उपभोक्ता संस्थामा महिला नेतृत्व ‘अवस्था, अवसर र चुनौती’ विषयक अन्तरक्रिया गोष्ठीमा बोल्दै यादवले महिलालाई अवसर दिने हो भने देशको प्रधानमन्त्री बनेर सबैभन्दा राम्रो काम गर्ने जिकिर गरेका हुन्।

उनले नेपालमा राष्ट्राध्यक्ष बनेर विद्यादेवी भण्डारीले नेतृत्व गरिसकेको उल्लेख गर्दै महिलाहरू कमजोर नरहेको बताए। उनले नेपालको राष्ट्रपति, प्रधानन्यायाधीश, सभामुख, मुख्यसचिव बनेर देशको नेतृत्व गरिसक्नुभएको भन्दै महिलालाई अवसर दिनुपर्ने जरुरी रहेको बताए।

मन्त्री यादवले भने, ‘महिलाहरू कमजोर छैन। किन छैन भने हाम्रो मुलुकको सबैभन्दा महत्त्वपूर्ण पद, सबैभन्दा ठुलो पोस्ट, राष्ट्रपति महिलाले चलाएको छ। विद्यादेवी भण्डारीज्यूले त मुलुकलाई राष्ट्राध्यक्षको रुपमा चलाउनु भयो। निश्चित रूपमा यो देशले राष्ट्रपति जस्तो महत्त्वपूर्ण पद महिलाले चलाएको छ। प्रतिनिधि सभाको सभामुख पनि महिलाले चलाएको छ। कर्मचारीको मुख्यसचिव पनि महिलाले हाँकेको छ। अवसर दिनुस् न। अवसर दियो भने प्रधानमन्त्री पनि सबैभन्दा राम्रो महिलाले चलाउँछ। तर अवसर नदिने। अघि किन बढाउने, समानुपातिक हालौँ भन्ने छ। महिलाले जित्छ नि। लोकसभामा अनिवार्य रूपमा महिलाको कोटा छुट्ट्याएको छ भारतमा।’

खानेपानी उपभोक्ता महासंघमा पनि ४२ हजार उपभोक्तामध्ये १ हजार उपभोक्ता महिला अध्यक्ष अनिवार्य राख्नुपर्ने निर्णय गरेर देखाउन महासंघ अध्यक्षसँग आग्रह गरे। मन्त्री यादवले शिक्षामा महिलाहरू धेरै अघि बढिसकेको बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सेन्ट्रल प्लाजा आगलागीमा फसेकाको उद्धारका लागि सेनाको हेलिकोप्टर परिचालन

बालुवाटारमा सत्ताधारी दलको बैठक

प्रतिपक्षको अवरोध पछि संसद बैठक आधा घण्टाको लागि स्थगित