नागढुङ्गामा हाइस दुर्घटना हुँदा एकको मृत्यु, नौ घाइते

समाचार

नेपाल लाइभ आइतबार, चैत १०, २०८१ २१:५०

काठमाडौँ–काठमाडौँको चन्द्रागिरि नगरपालिका–२ नागाढुङ्गामा आज साँझ भएको सवारी दुर्घटनामा एकको मृत्यु र नौ जना घाइते भएका छन्।

चितवनबाट काठमाडौँ आउँदै गरेको ग १ ख ५५४६ नं को हाइस रोकेको अवस्थामा आफैँ गुड्न गई सडक छेउको पेटीमा ठोकिँदा ठेगाना नखुलेकी अन्दाजी २५÷२६ वर्षीया सविना गुरूङको मृत्यु भएको हो।

दुर्घटनामा गम्भीर घाइते भएकी गुरूङको उपचारका क्रममा ट्रमा सेन्टरमा मृत्यु भएको जिल्ला प्रहरी परिसर काठमाडौँका प्रवक्ता, प्रहरी उपरीक्षक अपीलराज बोहराले जानकारी दिए। उनका अनुसार दुर्घटनामा नौ जना घाइते भएका छन्। घाइतेमध्ये केहीको ट्रमा सेन्टर र केहीको अन्नपूर्ण न्यूरोमा उपचार भइरहेको छ।

हाएसचालक जिल्ला नुवाकोट बेलकोटगढी नगरपालिका-१३ घर भएका ३० वर्षीय राजेश घले गुरुङलाई सवारीसाधनसहित प्रहरी वृत्त थानकोटले नियन्त्रणमा लिएको जनाएको छ।

दुर्घटनाका घाइतेहरुमा चितवन कालिका नगरपालिका-७ की ६८ वर्षीया तारादेवी कुमाल‚ चन्द्रागिरि नगरपालिका-१५ कि विन्दु देवकोटा र ३० महिनाका उनका छोरा दिव्यन पोख्रेल‚ भरतपुर महानगरपालिका-६ की ४० वर्षीया अनिता थापा र उनकी १७ वर्षीया छोरी एरिसा थापा‚ भरतपुर महानगरपालिका-४ का ३७ वर्षीय मोहित गुरुङ‚ कालिका नगरपालिका-७ की २५ वर्षीया सीमा कुमाल र उनका ६ वर्षीय छोरा इसान कुमाल‚ सर्लाहीको सोल्टी बजारकी २० वर्षीया कुसुम राई घाइते रहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सरकारद्वारा कुलमान हटाउने मन्त्रिपरिषद्को निर्णय प्रमाणित

यी हुन् कुलामान बर्खास्तिदेखि गर्भनर नियुक्ति समितिसहित मन्त्रिपरिषद्का २७ निर्णयहरु

कुलमान हटाउने निर्णय तत्काल फिर्ता लिन माओवादी केन्द्रको माग