विश्वकप छनोटः अर्जेन्टिनाले उरुग्वेलाई हरायो

फुटबल

नेपाल लाइभ शनिबार, चैत ९, २०८१ ०८:५३

काठमाडौं – फिफा विश्वकप २०२६ को दक्षिण अमेरिकी छनोटमा अर्जेन्टिनाले घरेलु टिम उरुग्वेलाई १–० ले हराएको छ । केहीबेरअघि उरुग्वेको रंगशालामा सम्पन्न खेलमा घरेलु टोलीलाई हराउँदै विश्वविजेता अर्जेन्टिनाले संघर्षपूर्ण जित हात परेको हो ।

खेलको पहिलो हाफ गोलरहित बराबरी भएको थियो । घरेलु टोली उरुग्वेको तुलनामा पोस्ट अटेम्प्टमा निकै अघि देखिएको अर्जेन्टिनाले पहिलो हाफमा राम्रा अवसर बनाएको भएपनि गोलमा सफल हुन सकेन । उरुग्वेका पनि पाँच प्रहार खेर गएका थिए ।

डार्बिन नुनेजले लिड गरेको उरुग्वेको अग्रपंतिले पनि अट्याकिङ थर्डमा राम्रो प्रभाव जमाउन नसक्दा प्रशिक्षक मार्सेलो बिएल्साले उनलाई ७२ मिनेटमा प्रतिस्थापित गरे । यता, दोस्रो हाफको ६८औं मिनेटमा अर्जेन्टिनाले डेडलक तोड्यो । जुलियन अल्वारेजले मिलाइदिएको पासमा थियागो अल्माडाले गोल गरे ।

त्यसपछि दुवै टिमले गोल गर्न नसक्दा अर्जेन्टिना विजयी भएको हो । खेलको इन्ज्युरी समयमा निकोलस गोन्जालेजले रातो कार्ड ब्यहोरेपछि अर्जेन्टिना केही समयको लागि १० खेलाडीमा समेटिएको थियो । दक्षिण अमेरिकाबाट ६ टोली सिधै विश्वकपकपमा छनोट हुनेछन् । अहिले अर्जेन्टिना शीर्षस्थानमा छ। उसले १३ खेलबाट २८ अंक जोडेको छ । आजको खेलमा स्टार फुटबलर लियोनल मेस्सीले भने खेलेका थिएनन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पानीको प्रयोगबाटै देश समृद्ध बनाउने लक्ष्य लिएका छौं : ऊर्जामन्त्री खड्का

खोटाङमा बेग्लाबेग्लै घटनाबाट दुई जनाको मृत्यु

राष्ट्रियसभाको बैठक आइतबार बस्दै, यस्ता छन् सम्भावित कार्यसूची