नेपाल सुपर लिगको खेल तालिका सार्वजनिक, पहिलो खेलमा काठमाडौं र ललितपुर भिड्ने

फुटबल

नेपाल लाइभ शनिबार, चैत २, २०८१ ०७:५६

काठमाडौं – प्रतीक्षित एनसेल नेपाल सुपर लिग (एनएसएल) २०२५ को खेल तालिका सार्वजनिक भएको छ । यसै महिना हुने एनएसएलको तेस्रो संस्करणको खेलतालिका शुक्रबार सार्वजनिक भएको हो । उदघाटन खेलमा चैत १६ गते डिफेन्डिङ च्याम्पियन ललितपुर सिटी एफसी र पहिलो संस्करणको विजेता काठमाडौं रेजर्सबीच प्रतिस्पर्धा हुनेछ ।

दशरथ रंगशालामा हुने एनएसएलको दोस्रो खेल चैत १७ गते बुटवल लुम्बिनी र झापा एफसी आमनेसामने हुनेछन् । चैत १८ गते एफसी चितवनले पोखरा थन्डर्ससँग खेल्दै लिगको सुरुवात गर्नेछ । चैत १९ गते धनगढी एफसीले पहिलो खेल बुटवल लुम्बिनीसँग खेल्ने तालिका रहेको छ ।

७ टोली यो पटक उपाधिका लागि खेल्नेछन् । लिग चरणमा कुल २१ खेल हुनेछन् । लिग चरणपछि ४ टिम प्ले अफमा प्रवेश गर्नेछन् । प्ले अफमा फाइनल सहित ४ खेल हुनेछ । यसरी यो पटक एनएसएलमा २५ खेल सञ्चालन हुनेछन् ।

एनएसएलको यसअघि अक्सन भैसकेको छ । ‘सी’ क्याटगरीको लागि ड्राफ्ट पनि गत साता सकिएको छ । विदेशी खेलाडीको हकमा अधिकांश टोली खेलाडी अनुबन्ध गरिसकेको छ । यो पटक लिगको प्रमुख प्रायोजक एनसेल रहेको छ । आयोजकले यो पटकको पुरस्कार रकम भने सार्वजनिक गरेको छैन ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनकपुरधाममा आज पनि होलीको रौनक

कांग्रेस नेता श्रेष्ठलाई मातृशोक

पूर्वविशिष्टलाई आजीवन सुविधा दिनेबारे सरकारको कुनै तयारी छैन – उपप्रधानमन्त्री सिंह