काठमाडौं– लुम्बिनी प्रदेशमा आइतबारदेखि सुरु भएको प्रधानमन्त्री कप पुरुष एक दिवसीय राष्ट्रिय क्रिकेट प्रतियोगितमा कर्णाली प्रदेशले विजयी सुरुवात गरेको छ ।
दाङ लमहीमा भएको उद्घाटन खेलमा कर्णालीले सुदूरपश्चिम प्रदेशलाई ७९ रनको फराकिलो जित निकाल्यो ।
कर्णालीले दिएको १५६ रनको मध्यम लक्ष्य पछ्याउने क्रममा सुदूरपश्चिम २१ ओभरमा मात्र ७६ रन बनाएर अलआउट हुन पुग्यो ।
कर्णालीका लागि दीपेन्द्र रावतले एक्लै सात विकेट लिए । ९ ओभर बलिङ गरेका उनले मात्र ३३ रन दिँदै ७ विकेट लिएका हुन् । यस्तै दिवान पुनले २ विकेट लिए ।
सुदूरपश्चिमका टेक रावतले सर्वाधिक ३० रन बनाउँदा किरण ठगुन्नाले १३ रन बनाउनुबाहेक अन्य कुनै पनि ब्याटरले दोहोरो अंकमा रन बनाउन सकेनन् । सुदूरपश्चिमका मिलन बोहोरा, नारायण जोशी, हेमन्त धामी र भोजराज भट्ट शून्य रनमै आउट भएका थिए ।
त्यसअघि टस जित्दै पहिला ब्याटिङ गरेको कर्णालीले ४० दशमलव ४ ओभरमा अलआउट हुँदै १५५ रन बनाएको थियो । कर्णालीका लागि अर्जुन घर्ती बिटालुले सर्वाधिक ७१ रन बनाए भने दिनेश अधिकारीले १७ र दिवान पुनले १२ रन बनाए ।
बलिङतर्फ सुदूरपश्चिमका हेमन्त धामीले ९ ओभर बलिङ गर्दै मात्र २६ रन दिएर सर्वाधिक ४ विकेट लिँदा नारायण जोशीले २ र शेर मल्लले एक विकेट लिएका थिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773992198-1773992913.jpeg)
-1764146706.png)
-1773837959.png)
