रारा घुम्न गएका पर्यटकको लेक लागेर मृत्यु

समाचार

नेपाल लाइभ सोमबार, फागुन १९, २०८१ १२:०६

गमगढी –

नेपालकै प्रमुख पर्यटकीयस्थल रारा घुम्न आएका एकजना आन्तरिक पर्यटकको मृत्यु भएको छ । रारा घुम्न आएका काभ्रेको धुलिखेल नगरपालिका–१० स्थायी ठेगाना भएका वर्ष ५४ का भुवन विश्वकर्माको सोमबार बिहान लेक लागेर मृत्यु भएको प्रमुख जिल्ला अधिकारी कमलप्रसाद पाण्डेको जानकारी दिए ।

जिल्ला अस्पताल मुगुका चिकित्सक नकुल शाहीका अनुसार विश्वकर्मा आइतबार राति ९ बजे श्वासप्रश्वासमा समस्या भएपछि चेकजाँच गर्न अस्पताल पुगेका थिए ।

अस्पतालमा चेकजाँच पछि शरीरमा अक्सिजनको कमी भएक भन्दै चिकित्सकले भर्ना हुनुपर्ने बताएका थिए । तर विश्वकर्मा चेकजाँच पछि भर्ना हुन नमानी सल्लेरी फर्किए । सोमबार बिहान ६ बजे उनलाई साथीहरूले एम्बुलेन्समा फेरी लिएर आए। अस्पताल पुग्दा उनको मृत्यु भइसकेको डा शाहीले जानकारी दिएका छन् । दमको समेत दीर्घरोगी रहेका विश्वकर्मामा मोटोपन पनि थियो ।

हिमपात भएको बेला, चिसो मौसम, उच्च हिमाली भूभागमा अक्सिजनको कमीको कारण लेक लागेर कार्डियो पल्मोनरी एरेष्ट (हार्टअट्याक) हुँदा उनको मृत्यु भएको डा शाहीले बताएका छन् । आइतबार मात्र मृतक विश्वकर्मासहित २५ जनाको टोली रारा घुम्न रारा ताल क्षेत्रमा पुगेको थियो ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

केपी ओली कप: लगातार तीन संस्करण जित्दै उपाधिमा मच्छिन्द्रको ह्याट्रिक

परराष्ट्र र गृहमन्त्रीद्वारा प्रकृति लम्सालका परिवारसित भेटघाट

ट्रकले मोटरसाइकललाई ठक्कर दिँदा एकको मृत्यु, एक घाइते