च्याम्पियन्स ट्रफी : हेनरीको घातक बलिङ, न्युजिल्यान्डलाई भारतले दियो २ सय ५० रनको लक्ष्य

क्रिकेट

नेपाल लाइभ आइतबार, फागुन १८, २०८१ १८:२६

काठमाडौं– आईसीसी च्याम्पियन्स ट्रफी अन्तर्गत समूह ए अन्तर्गतको अन्तिम खेलमा भारतले न्युजिल्याण्डसामु २ सय ५० रनको लक्ष्य प्रस्तुत गरेको छ । टस हारेर पहिले ब्याटिङ गरेको भारतले निर्धारित ५० ओभरमा ९ विकेटको क्षतिमा २ सय ४९ रन बनाएको हो ।

भारतका लागि श्रेयस ऐयरले सर्वाधिक ७९ रनको योगदान दिए । उनले ९८ बलमा ४ चौका र २ छक्का प्रहार गरे । उनलाई अक्षर पटेलले ६१ बलमा ४२ रन जोडेर राम्रो साथ दिए । पटेलले ३ चौका र १ छक्का हिर्काए ।

हार्दिक पाण्ड्याले ४५ रनको महत्त्वपूर्ण इनिङ्स खेले । उनले ४५ बलमा ४ चौका र २ छक्का प्रहार गरे ।

केएल राहुलले २३ रन बनाए भने रवीन्द्र जडेजाले १६ रन जोडे । कप्तान रोहित शर्मा १५ रन तथा विराट कोहली ११ रन बनाएर पभेलियन फर्किए । शुभमन गिलले २ रन मात्र बनाउन सके ।

न्युजिल्याण्डका लागि म्याट हेनरीले ८ ओभर बलिङ गर्दै ४२ रन खर्चेर ५ विकेट लिए । कायल जेमिसन, विल ओ’रोर्क, मिचेल स्यान्टनर र रचिन रवीन्द्रले १–१ विकेट हात पारे ।

समूह ए बाट न्युजिल्याण्ड र भारत दुवै सेमिफाइनलमा प्रवेश गरिसकेका छन् । दुवै टोलीको २ खेलबाट समान ४–४ अंक रहेको छ । आजको खेलले समूहको विजेता टुंगो लगाउनेछ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अस्कर अवार्ड: ‘अनोरा’सर्वोत्कृष्ट फिल्म घोषित, क- कस्ले कुन क्षेत्र जिते?

सप्तरीको फत्तेपुरमा बाघ पस्यो, आक्रमणबाट २ जना घाइते

दूध उत्पादकले पाउँदैनन् सरकारले तोकेको मूल्य