उत्तराखण्ड हिमपहिरोमा फसेका ५७ मध्ये ३२ जना कामदारको जिवितै उद्धार, २५ जनाको खोजी जारी

समाचार

नेपाल लाइभ शुक्रबार, फागुन १६, २०८१ २१:२२

काठमाडौं– शुक्रबार उत्तराखण्डको बद्रीनाथ धाम नजिक हिमपहिरोमा परी बेपत्ता ५७ मजदुरमध्ये ३२ जनालाई जिवितै उद्धार गरिएको छ ।

आपत् प्रवन्धन विभागका तर्फबाट दिइएको जानकारी अनुसार फसेका बाँकी २५ जनालाई पनि निकाल्ने प्रयास जारी छ ।

उत्तराखण्डका मुख्यमन्त्री पुष्करसिंह धामीले भने, “सीमा सडक सङ्गठन (बीआरओ) शिविरका निर्माण मजदुरहरू बद्रीनाथको माना गाउँनजिकै काम गरिरहेका समय एक्कासी हिमपहिरो आउँदा केही व्यक्ति हिउभित्र फसेका छन्। उद्धारका लागि सुरक्षकर्मी त्यसतर्फ गइसकेका छन्।’

प्रहरी मुख्यालयका प्रवक्ता आईजी निलेश आनन्द भर्नेले यो समाचार तयार पार्दासम्म ५७ जना कामदारमध्ये ३२ जना कामदारको उद्धार गरिएको बताए ।

यसैबीच, बीआरओका कार्यकारी इञ्जिनियर सीआर मीनाले उद्धार कार्य जारी रहेको र भारी हिमपातका कारण टोलीलाई कठिनाइ भइरहेको बताए ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आकाशमा लहरै देखिँदै सातवटा ग्रहको परेड

उच्चस्तरीय राजनीतिक संयन्त्रको बैठक बालुवाटारमा जारी