दोलखाको नाशा हाइड्रोपावरमा कार्यरत रोल्पाका बजिन्द्र मृत फेला

समाचार

नेपाल लाइभ शुक्रबार, फागुन १६, २०८१ ०८:३७

काठमाडौं– दोलखाको नाशा हाइड्रोपावरमा कार्यरत एक जना कामदार मृत फेला परेका छन्।

मृत फेला पर्नेमा रोल्पाको सुनछहरी गाउँपालिका-३ का २३ वर्षीय बजिन्द्र घर्तीमगर छन्।

हाइड्रोपावरको मादी जलजला कन्स्ट्रक्सनमा काम गर्दै आएका बजिन्द्र १४ फागुनदेखि सम्पर्कविहीन थिए। खोजतलास गर्दै जाने क्रममा उनको शव बिहीबार साँझ साव ५ को समयमा फेला परेको जिल्ला प्रहरी कार्यालय दोलखाले जनाएको छ।

उनको शव बिगु गाउँपालिका, लामाबगरबाट देउराली जाने बाटोको भीरमा फेला परेको प्रहरीको भनाइ छ।

उनको शव बाटोभन्दा करिब २ सय मिटर तल भीरमा फेला परेको प्रमरीले जनाएको छ। उनको शव पोस्टमार्टमका लागि पशुपति चौलागाईं स्मृति अस्पताल चरिकोट लगिएको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रतिकुल मौसमका कारण हवाई उडान प्रभावित

खराब मौसमका कारण परराष्ट्रमन्त्री राणा चढेको विमान कोलकाता डाइभर्ट

६ महिनामा विद्युत् प्राधिकरणको नाफा ११ अर्ब ३६ करोड