काठमाडौं–पर्सामा तास खेल्ने विषयमा विवाद हुँदा तीन किशोर मिलेर एक जनाको हत्या गरेको आरोपमा प्रहरीले तीन जनालाई पक्राउ गरेको छ ।
तास खेलेको समयमा रकम सापटी नदिएको भन्दै विवाद भएको र त्यही निहुँमा एक युवकको हत्या भएको प्रहरीको भनाइ छ । हत्या आरोपमा तीन जनालाई पक्राउ गरेर जिल्ला प्रहरी कार्यालय पर्साले बिहीबार घटनाबारे जानकारी गराएको छ ।
पक्राउ पर्नेहरुमा वीरगञ्ज महानगरपालिका–२७ उदयपुर घुर्मीका १९ वर्षीय मुकेशप्रसाद यादव, सोही ठाउँका १९ वर्षकै अरुणकुमार यादव र सोही ठाउँका १९ वर्षकै मुना तिवारी छन् । उनीहरु तीनै जनालाई ११ फागुनमा पक्राउ गरेर आज बिहीबार प्रहरीले सार्वजनिक गरेको हो । उनीहरुले सोही ठाउँका १९ वर्षीय इशालप्रसाद कुर्मीको हत्या गरेको आरोप छ ।
७ फागुनमा वीरगञ्ज महानगरपालिका–२७ उदयपुर घुर्मीका १९ वर्षीय इशालप्रसाद कुर्मी वीरगञ्ज बजार जान्छु भनेर निस्केका थिए । तर छोरा घर नफर्केपछि उनका बाबु जोगिन्द्रप्रसादले भोलिपल्ट ८ फागुनमा खोजतलासका लागि भन्दै प्रहरीमा उजुरी दिएका थिए । हुलियासहित उजुरी दिए पनि उनलाई फेला पार्न प्रहरीले सकेको थिएन ।
हराएको भनिएको ४ दिनपछि ११ फागुनमा स्थानीय भेडैया खोलामा एक युवकको शव तैरिरहेको भन्दै प्रहरीलाई सूचना आएको थियो ।
उक्त शव ७ गतेदेखि हराएका उनै इशालप्रसादको रहेको भन्दै उनका बाबुले सनाखत गरेका थिए । बजार जान्छु भनेर निस्केका इशालप्रसादको हत्या भएको आशंका गर्दै प्रहरीले अनुसन्धान अघि बढाएको थियो ।
घटनास्थलबाट प्रहरीले मृतकको पर्स, साइकल, चप्पल, मोबाइल फोनको टेम्पर ग्लास गरेको थियो । यीनै बरामद वस्तुहरुलाई केन्द्रमा राखेर प्रहरीले घटनाको अनुसन्धान अघि बढाएको थियो ।
सो क्रममा उनका तीन जना साथीहरु पक्राउ गरेको पर्साका एसपी गौतम मिश्रले बताए । हत्याको कारण भने तासको विषय जोडिएको उनले बताए । उनीहरु चार जना तास खेल्ने गरेको पाइएको उनले बताए । तास खेल्न बेलामा रकम सापटी माग्दा विवाद भएको थियो । इशालले रकम लगेर नदिने गरेको भन्दै उनीहरुले सापटी नदिएको प्रहरीको भनाइ छ ।
त्यही विषयमा उग्र विवाद भएपछि तीन जना मिलेर साँझ ६:१० बजेतिर इशालको हत्या गरेको एसपी मिश्रले बताए ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
