इन्स्पेक्टर सन्तोषी मृत्यु प्रकरण : इन्स्पेक्टर जोशी पक्राउ

सुरक्षा/अपराध

नेपाल लाइभ मंगलबार, फागुन १३, २०८१ १०:२१

काठमाडौं – सशस्त्र प्रहरी बलकी इन्स्पेक्टर सन्तोषी महतको मृत्यु प्रकरणमा इन्स्पेक्टर विवेक जोशी पक्राउ परेका छन्।

आत्महत्या दुरुत्साहनमा किटानी जाहेरीका आधारमा इन्स्पेक्टर जोशीलाई पक्राउ गरिएको जिल्ला प्रहरी कार्यालय कास्कीका डीएसपी वसन्त शर्माले जानकारी दिएका हुन्।

ब्यारेकमै झुन्डिएको अवस्थामा मृत भेटिएकी सन्तोषीको परिवारले जोशीविरुद्ध आत्महत्या दुरुत्साहनमा सोमबार किटानी जाहेरी दिएका थिए।

उजुरी दर्ता भएपछि जोशीलाई अनुसन्धानका लागि नियन्त्रणमा लिइएको जिल्ला प्रहरी कार्यालय कास्कीका डीएसपी वसन्तत शर्माले जानकारी दिए।

पक्राउ परेका इन्स्पेक्टर २३ नम्बर गण तनहुँमा कार्यरत छन्।

जोशी र सन्तोषी प्रेमी-प्रेमिका रहेको परिवारको दाबी छ। उनैका कारण सन्तोषीले आत्महत्या गर्नु परेको जाहेरीमा दाबी गरिएको छ।

इन्स्पेक्टर बेसिकको तालिम गर्दै आएकी महत सन्तोषी आइतबार पोखरास्थित हुल तथा दंगा व्यवस्थापन तालिम शिक्षालय लामापाटन ब्यारेकमा मृत भेटिएकी थिइन्। सिन्धुपाल्चोक घर भएकी महत १७ बेसिक (२०८१) की इन्स्पेक्टर हुन् ।सिन्धुपाल्चोकबाट इन्स्पेक्टरमा नाम निकाल्ने पहिलो महिला बनेकी थिइन् सन्तोषी तर परिवारमा छाएको खुसी लामो समय टिक्न सकेन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

'बीवाईडी हाई–टेक विक २०२५' हुँदै

काठमाडौं महानगर सहित देशभर प्रमुख प्रशासकीय अधिकृत नपठाएको भन्दै सांसद शाहीको आपत्ति

नेपथ्यको नयाँ भिडियोमा ‘हिमाल चुचुरे’