घट्यो सेयर बजार

बैंक/बिमा/सेयर

घट्यो सेयर बजार

नेपाल लाइभ आइतबार, मंसिर १६, २०८१ १५:२०

काठमाडौं – मौद्रिक नीतिको समीक्षापछि आइतबार सेयर बजार ९.९९ अंक घटेको छ।

यो गिरावटसँगै बजारको परिसूचक नेप्से २७ ३८ मा कायम भएको छ। मौद्रिक नीतिको समीक्षामार्फत कुनै पनि नीतिगत व्यवस्था गरिएको थिएन।

कारोबार रकम केही बढेको छ। कुल ८ अर्ब ८३ करोडको कारोबार भएको छ। गत बिहीबार ८ अर्ब ५४ करोडको भएको थियो। ६३ कम्पनीको मूल्य बढ्दा १७८ को घटेको छ भने ३ को स्थिर रह्यो।

विकास बैंक समूहमा लगानीकर्ताको आकर्षण देखिएको छ। सो समूह ४.५ प्रतिशत बढ्यो। त्यस्तै व्यापार समूह ९ प्रतिशत बढ्यो। विशाल बजार कम्पनीको मूल्य १० प्रतिशत बढेकै कारण व्यापार समूहमा उच्च वृद्धि देखिएको हो।

बैंकिङ १.४७, फाइनान्स २.९६, हाइड्रोपावर १.१४, लगानी १.१५, जीवन बीमा १.३५, उत्पादन ०.५७, माइक्रोफाइनान्स ०.९२, निर्जीवन बीमा ०.०१ र अन्य समूह १.३५ प्रतिशत घटे। होटल तथा पर्यटन समूह ०.३० प्रतिशत बढ्यो।

विशाल बजार कम्पनीका अलवा कर्पोरेट डेभलपमेन्ट बैंक, सिन्धु विकास बैंक, ग्रीन डेभलपमेन्ट बैंक, सप्तकोशी विकास बैंकको मूल्य १० प्रतिशत बढ्यो। एक्सल डेभलपमेन्ट बैंकको ९.६, सपोर्ट माइक्रोफाइनान्सको ९.४, मितेरी विकास बैंकको ७.६ र इमर्जिङ नेपालको ७.५ प्रतिशत मूल्य बढ्यो।

जानकी फाइनान्सको मूल्य १० प्रतिशत घट्यो। नेपाल फाइनान्सको ९.१, उपकार लघुवित्तको ५.४, लाइफ इन्स्योरेन्स कर्पोरेसनको ४.६ तथा मानुषी लघुवित्तको ४.१ प्रतिशत मूल्य घट्यो। कारोबार रकमका आधार एक्सल डेभलपमेन्ट बैंक, एनआरएन इन्फ्रास्ट्रक्चर, नेपाल फाइनान्स, मितेरी विकास बैंक तथा ङादी ग्रुप पावर क्रमशः अगाडि रहे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्थानीय तह उपनिर्वाचन शान्तिपूर्ण रुपमा सकियो, अधिकांश वडाको मतगणना आजै हुने

बंगलादेशसँग पराजित हुदै नेपाल एसिया कपबाट बाहिरियो

उपनिर्वाचन अपडेट : चार बजेसम्म ५८ प्रतिशत मतदान