सेयर बजार २७३४ अंकमा झर्‍यो, ४ प्रतिशत बढ्यो फाइनान्स

बैंक/बिमा/सेयर

नेपाल लाइभ बुधबार, कात्तिक २८, २०८१ १५:२८

काठमाडौं– बुधबार सेयर बजारको परिसूचक नेप्से १४.१२ अंक घटेको छ।

सो अंकको कमीपछि २७३४ मा कायम भएको छ। बजारको अंक घट्दा कारोबार रकम केही बढेको छ। अघिल्लो दिन ७ अर्ब ८५ करोडको कारोबार भएकोमा आज ७ अर्ब ९१ करोडको भयो।

९९ कम्पनीको मूल्य बढ्दा १३८ को घट्यो भने ७ को स्थिर रह्यो। फाइनान्समा लगानीकर्ताको आकर्षण देखिएको छ। समग्र बजार घट्दा यो सेक्टर ४.२ प्रतिशत बढ्यो।

त्यस्तै विकास बैंक १.४७ र हाइड्रोपावर सूचक ०.८१ प्रतिशत बढे। बैंकिङ १.३७, होटल तथा पर्यटन ०.०६, लगानी १.११, जीवन बीमा १.१९, उत्पादन ०.९६, माइक्रोफाइनान्स ०.३७, निर्जीवन बीमा १.२३, अन्य ०.८३ तथा व्यापार समूह १.६१ प्रतिशत घटे।

सप्तकोशी विकास बैंक, सिर्जनशील लघुवित्त, मकर जितुमाया सुरी हाइड्रोपावर, पोखरा फाइनान्स र समृद्धि फाइनान्सको मूल्य १० प्रतिशत बढ्यो। रावा इनर्जीको ९.९१, बलेफी हाइड्रोपावरको ९.८८, सपोर्ट माइक्रोफाइनान्सको ९.१५ प्रतिशत मूल्य बढ्यो।

कुथेली बुकरी स्मल हाइड्रोपावरको १० प्रतिशत मूल्य घट्यो। समाज लघुवित्तको ४.९३, एनएलजी इन्स्योरेन्सको ४.०४ तथा बुटवल पावरको मूल्य ३.६३ प्रतिशत घट्यो।
कारोबार रकमका आधारमा जानाकी फाइनान्स, पोखरा फाइनान्स, सप्तकोशी विकास बैंक, समृद्धि फाइनान्स र पिपुल्स हाइड्रोपावर क्रमशः अगाडि रहे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कैलाली जिसस प्रमुखमा काँग्रेसकी टिका निर्विरोध निर्वाचित

विस्तृत शान्ति सम्झौताबाट नयाँ युगको सूत्रपात भएको मान्न सकिन्छ : प्रचण्ड

म्याद थपका लागि दुर्गा प्रसाईंलाई अदालतमा पेस