दुवै खुट्टा गुमाएर पनि सगरमाथा चढेका मगरलाई सभामुख र उपसभामुखको सम्मान

समाज

नेपाल लाइभ बिहीबार, जेठ ११, २०८० १२:५७

काठमाडौं- दुवै खुट्टा नभएर पनि विश्वको सर्वोच्च शिखर सगरमाथा आरोहण गरेका रोल्पाका हरि बुढामगरलाई सभामुख देवराज घिमिरे र उपसभामुख इन्दिरा रानाले बिहीबार सम्मान गरेका छन्। मगरलाई सभामुखको सरकारी निवास बालुवाटारमा सम्मान गरिएको हो।

कार्यक्रममा सभामुख देवराज घिमिरेले बुढामगरले नेपाल र नेपालीलाई विश्वभर चिनाएको भन्दै प्रशंसा गरेका छन्। उनले भने, 'तपाईं प्रेरणादायी व्यक्तिको सूचीमा विश्वमै कहलिनुभएको छ। तपाईंको प्रेरणाको कथा हरेक बालबालिकासम्म पुर्‍याउनुपर्छ। नेपालीले तपाईंप्रति गौरव गरिरहने छन्।'

घिमिरेले मगरको उपलब्धि अपाङ्गता भएका व्यक्तिहरुका लागि अभूतपूर्व प्रेरणा भएकाे बताए।

'शारीरिक तन्दुरुस्ती भएकाहरुले समेत नपाउने तपाईंको उपलब्धि अपाङ्गता भएका व्यक्तिहरुका लागि अभूतपूर्व प्रेरणा बनेको छ। साहसिक खेलमार्फत तपाईंले अपाङ्गता भएका व्यक्तिहरु हेय र दयाका पात्र होइनन् भन्ने सन्देश दिनुभएको छ' घिमिरेले भने।

कार्यक्रममा उपसभामुख रानाले बुढामगरलाई सर्वश्रेष्ठ मानवको संज्ञा दिँदै आगामी दिनमा पनि आफ्नो यात्रालाई निरन्तरता दिन आग्रह गरिन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दम्पतीको नाक काटिदिएको आरोमा नेकपा बहुमतका जिल्ला सेक्रेटरी पक्राउ

सहकारी ठगी प्रकरण: कास्की अदालतमा आजदेखि रवि लामिछानेसहित प्रतिवादी तर्फका वकिलहरूले बहस गर्ने

बझाङमा जिप दुर्घटना हुँदा चालकसहित ५ जनाको मृत्यु