जाकर्ता (इन्डोनेसिया) - १८औं एसियाली खेलकुद अन्तर्गत एथलेटिक्सका २ नेपाली खेलाडी आफ्नो प्रतिस्पर्धामा भाग लिनबाट बन्चित भएका छन्।
महिला १० हजार मिटरमा विश्वरुपा बुढा र पुरुष ४ सय मिटरमा सोमबहादुर कुमालले 'लेट इन्ट्री'का कारण प्रतिस्पर्धामा भाग लिनबाट बञ्चित भएका हुन्।
यसअघि एसियाली खेलकुदमा विश्वरुपाले १० हजार मिटर र ५ हजार मिटरमा भाग लिने नेपाली एथ्लेटिक्स संघले जनाएको थियो। यस्तै सोमबहादुरले पनि ४ सय मिटर र ८ सय मिटरमा प्रतिस्पर्धा गर्ने संघले जनाएको थियो। दुवैले १-१ विधामा भने प्रतिस्पर्धा गर्न बाँकी छ।
एसियाली खेलकुदको अफिसियल साइटमा पनि विश्वरुपाको १० हजार मिटरमा नाम थिएन। इन्ट्री गर्ने ओलम्पिक किमिटीले तथा एथ्लेटिक्सका अफिसियलहरुले समयमै नेपाली खेलाडीको नाम इन्ट्री भएको वा नभएको बारे ध्यान नदिँदा उनी प्रतिस्पर्धामा भाग लिनबाट बन्चित भएका हुन्।
नेपाली अफिसियलहरुले उनले शनिबार साँझ भाग लिने बताएका थिए। त्यसका लागि उनी साँझ बुङ कार्नो रंगशालामा पनि पुगेकी थिइन्। शनिबार साँझ सेन्ट्रल जाकर्ताको बुङ कार्नो रंगशालामा भएको दौडमा भाग लिन पुगेकी विश्वरुपाले प्रतिस्पर्धा नगरिककै फर्कन बाध्य भइन्।
एथ्लेटिक्सकी व्यवस्थापक शान्ति सिंहले विश्वरुपालाई रंगशाला भित्र पठाएपनि भाग लिन नपाएको पुष्टि गरिन्। 'हामीले उनलाई सयममै भित्र पठाएका थियौं, तर उनी प्रतिस्पर्धामा देखिइनन्', उनले भनिन्, 'किन अबेर भयो भनेर हामीले बुझ्दा लेट इन्ट्री भयो भन्ने जानकारी अायाे।'
'उसको मुख्य विधा ५ हजार मिटर हो। अब त्यसमै फोकस हुन्छ,' उनले भनिन्।
यता नेपाल ओललम्पिक कमिटीका प्रमुख कार्यकारी सचिव सुजनलाल श्रेष्ठका विश्वरुपाको नाम नेपालबाट नै इन्ट्री भएको दाबी गरे। ' विश्वरुपाको नाम हामीले उताबाट इन्ट्री गराएका थियौं। तर यहाँ टेक्निकल समस्या भएको हो। यसमा हाम्रो गल्ति छैन।'
सोमबहादुरको हकमा भने अन्तिम समयमा खेल्न चाहेकाले नाम इन्ट्री गर्न नमिलेको श्रेष्ठले बताए। 'उसले पहिला ८ सय मिटर मात्र खेल्ने बताइएको थियो। तर अन्तिम सयममा ४ खेल्न खोजेपछि उनले भाग लिन नपाएका हुन्,' उनले भने।
महिला १० हजार मिटरमा ११ खेलाडीले प्रतिस्पर्धा गरेका थिए। यो स्पर्धामा किर्गिस्तानकी डारिया मास्लोभाले स्वर्ण जितेकी छिन् भने इनुइस चुम्बाले रजत र चिनकी जेसुङ झाङले कास्य जितेकी छिन्।
यसअघि शनिबार बिहान सोमबहादुर कुमालले पनि ४ सय मिटरमा भाग लिनबाट बन्चित भएका थिए। उनले पुरुष ८ सय मिटरमा भने प्रतिस्पर्धा गर्न बाँकी छ।
राष्ट्रिय टिम तयारी समितिले उपलब्ध गराएको नाममा विश्वरुपाले ५ हजार र १० हजार मिटरमा भाग लिने उल्लेख थियो :
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
