जाकर्ता (इन्डोनेसिया)- इन्डोनेसियfमा भइरहेको १८ औं एसियाली खेलकुदको आठौं दिन पनि नेपालले निराशाजनक प्रदर्शन गरेको छ। आठौं दिन नेपालले करातेबाट पदक जित्ने २ मौका गुमाएको थियो। अन्य खेलमा भने नेपाल कमजोर रह्यो।
ब्याडमिन्टन
ब्याडमिन्टनको महिला सिंगल्समा नेपालकी नङशल तामाङ शनिबार पराजित भएकी छन्। प्रिक्वाटरफाइनलमा नङशल जापानकी अकाने यामागुचीसंग २१–७ र २१–१२ को सोझो सेटमा पराजित भइन्। पुरुष डबल्सको प्रिक्वाटरफाइनलमा नेपालका विकास श्रेष्ठ र नवीन श्रेष्ठको जोडी मलेसियाका जोडीसंग २१–९ र २१–१२ को सोझो सेटमा हारे । उक्त खेलसंगै ब्याडमिन्टनमा नेपालको चुनौती समाप्त भएको छ।
आर्चरी
आर्चरीको रिकर्भ पुरुष टिममा नेपाल ताइपेइसंग ६–० ले पराजित भएसंगै आर्चरीमा नेपालको चुनौती समाप्त भएको छ। नेपालबाट तिलक पुन मगर, रोशन नगरकोटी र मिनप्रसाद गौचनले प्रतिस्पर्धा गरेका थिए । त्यसअघि नेपाली टिमले कतारलाई ६–० ले हराएको थियो।
बक्सिङ
बक्सिङको दोश्रो दिन ३ नेपाली खेलाडीले प्रतिस्पर्धा गरेकोमा सबैले पहिलो खेलमा हार व्यहोरे। पुरुष ४९ केजीमा नेपालका तेजबहादुर देउजा लाओसका खेलाडीसंग ३–१ तथा नेपालका भुपेन्द्र थापा जोर्डनका खेलाडीसंग ४–० ले पछि परे। महिला ६० केजीमा चीनकी खेलाडीले नेपालकी पुनम रावललाई ५–० ले निराश पारिन्।
कराते
करातेको पुरुष एकल कातामा नेपालका पर्शुराम बाँस्तोला पराजित भएका छन् । उनलाई कतारका अधम हसेलले ५–० ले पराजित गरे ।
सोही स्पर्धाको महिलामा नेपालकी चन्चला दनुवार पनि कांस्य पदकको रिपाजे भिडन्तमा थाइल्यान्डकी मोन्सिचा तारारात्तानकुलसंग ५–० ले पराजित भइन् । त्यसअघि क्वाटरफाइनलमा चन्चला मकाउ चीनकी लाम्सोइ साउसंग ५–० ले पराजित भएकी थिइन् । अर्को रिपाचे बाउटमा भने चन्चलाले कोरियाकी उइ जि काङलाई ३–२ ले पन्छाएकी थिइन् । महिला ६८ केजीमाथि क्वाटरफाइनलमा नेपालकी रिता कार्की चीनकी मेङमेङ साउसंग ३–० ले पराजित भइन् । कांंस्य पदकको रिपाजे बाउटमा पाकिस्तानकी नर्गिसले रितालाई ३–१ ले पाखा लगाइन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790138176.webp)
-1786602170.png)
-1789631269.jpg)
