जाकर्ता (इन्डोनेसिया)- १८औं एसियाली खेलकुदअन्तर्गत एथ्लेटिक्सको म्याराथनमा नेपालका २ धावकले दौड पूरा गर्न असफल भएका छन्। म्याराथनमा भाग लिएका नेपालका कृष्णबहादुर बस्नेत र गोपिचन्द्र पार्कीले दौड पूरा गर्न नसकेका हुन्।
१३ राष्ट्रका २१ धावक सहभागी म्याराथनमा नेपालका २ सहित ६ जना खेलाडीले दौड पूरा गर्न सकेका थिएनन्। सेन्ट्रल जाकर्ताको बुङ कार्नोको मुख्य रंगशालामा भएको प्रतिस्पर्धामा नेपाली धावकहरु पहिलो समूहमै निस्किएका थिए। सुरुवातमा नेपाली धावकले राम्रो दौडिएका थिए। तर त्यही गतिअनुसार नेपाली धावकले दौडन सकेनन्।
कृष्णले २ किलोमिटर बाँकी हुँदा दौड त्यागेका थिए। ४० किलोमिटर २ घन्टा १३ मिनेट २३ सेकेन्डमा पूरा गर्दा उनी १२औं स्थानमा थिए। यता गोपिचन्द्रले ३० किलोमिटरपछि दौड त्यागेका थिए। उनी त्यतिबेलासम्म १९औं स्थानमा थिए।
नेपालका एथ्लेटिक्स प्रशिक्षक अमिरी यादव नेपाली धावकले दौड पूरा गर्न नसकेकोमा अचम्मित छन्। 'हामीले उहाँबाट आउनु अघि २ घन्टा २० सम्म कुदेर ओलम्पिक क्वालिफाइङ हुने लक्ष्य बनाएका थियौं। तर दुवै खेलाडीले म्याराथन पूरा गर्न सकेनन्,' उनले भने।
उनले दौड पूरा नगरेका खेलाडीको भनाई उधृत गर्दै अघि भने, 'गुरु दौड पूरा गर्न सकेनौ, के भयो के भयो भनेर खेलाडीले भने।' उनले खेलाडीले गर्मी महसुस गरेर दौड पूरा नसकेको बताएको पनि जानकारी दिए। 'धेरै गर्मी भएर दौडन सकिएन भन्छन्,' उनले खेलाडी भनाई बारे जानकारी दिए।
उनले अन्य खेलाडीले पनि गर्मीका कारण दौडन नसकेको बताए। 'अन्य खेलाडीको कुरा गर्नु पर्दा पनि २ घन्टा ६ मिनेटमा दौडने धावकले २ घन्टा १८ मिनेटमा दौड पूरा गरेको छ।'
जाकर्ता आउनुअघि नेपालले ओलम्पिकमा छनोट हुने लक्ष्य राखेको थियो। 'खेलाडी पनि तयारीमा सन्तुष्टि जनाका थिए। उनीहरुले २ घन्टा २० मिनेट भन्दा कम समयम दौड पूरा गर्छु भनेका थिए। तर अहिले दौड पूरा नगर्नु त बडा अचम्मको कुरा भयो,' उनले आश्चर्य प्रकट गरे।
म्याराथन हेर्न एथ्लेटिक्क जनाकार निलेन्द्रराज श्रेष्ठ पनि रंगशालामा पुगेका थिए। नेपाली खेलाडीले दौड पूरा गर्न नसकेकोबारे उनी भन्छन्,' उनीहरु पहिलो समूहमा निस्किएका थिए। सुरुमा उनीहरुले राम्रै खेलेका थिए। मेरो बिचारमा पानी काम खाएकाले उनीहरु मौसम अनुकुल हुन सकेनन्।'
यो स्पर्धामा जापानका हिरोतो इनोइले २ घन्टा १८ मिनेट २२ सकेन्डमा दौडिएर स्वर्ण जितेका छन्। यस्तै बहराइनका इल्हासन रजत र बुजी डुवोले कास्य जितेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790138176.webp)
-1786602170.png)
-1789631269.jpg)
