काठमाडौं- चार दिनअघि काठमाडौं महानगरपालिकाका मेयर बालेन्द्र शाहले सामाजिक सञ्जाल फेसबुकमा लेख्दै सिंहदबारको फोहोर नउठाउने चेतावनी दिए,‘आजबाट सिंहदबारको फोहोर उठ्दैन। साँच्चिकै देश सफा गर्नुपरे, त्यहाँको नेताहरुलाई सिसडोलमा डम्प गर्नुपर्ने हुन्छ ।’
यसरी लेखेपछि उनको आलोचना र समर्थन दुवै भयो। मेयर शाहले भनाइलाई कार्यान्वयन गर्दै सिंहदरबारको फोन उठाएनन्। देशको केन्द्रीय शासन-सत्ता रहेको सिंहदरबारकै फोहोर नउठेपछि मन्तिरीपरिषद बैठकले सोमबार उनलाई सचेत गराउने निर्णय गर्यो।
फोहोर फाल्ने यो विवादले एक पटक संघीय सरकार र स्थानीय सरकार आमुन्ने-सामुन्ने भएका छन्। पाँच वर्षका लागि निर्वाचित भएका मेयर शाहले फोहोर नउठाउने आफ्नो निर्णयको वचाउमा १४ बुँदे पत्र सार्वजनिक गरे।
‘केही दिन अगाडि बाध्य भएर सिंहदरबारको फोहोर नउठाउने निर्णय गर्नुपर्यो। त्यो लहडमा अनायासै गरिएको निर्णय थिएन, बारम्बार गरिएको प्रयासमाथिको बेवास्ता, गैरजिम्मेवारी र लापरबाहीको अहिलेसम्मको निष्कर्ष थियो,’ उनले भने, ‘जसका कारणले त्यो बाध्यात्मक कदम उठाउनु परेको थियो। उनीहरुलाई यसबारेमा जानकारी हुने भइहाल्यो तर सर्वसाधारणलाई यो बारेमा थाहा भएन । मिडिया र सर्वसाधारणबाट यो सम्बन्धी धेरै प्रश्नहरु उठेका छन् । प्रश्नहरु स्वभाविक पनि छन्।’
सिंहदरबार काठमाडौँ महानगरमै पर्ने भन्दै उनले महानगरको कार्यालयबाट ५०० मिटरको दुरीमा सिंहदरबार सुरु हुने तर आफ्नो कुरा सुनुवाइ नभएको दावी गरे। ‘यति हुँदा पनि सिंहदरबारमा बसेको सरकारसँग महानगर पुग्न धेरै कसरत गर्नुपर्छ। संघीय सरकारका पमा रहेको सिंहदरबारले जनजीविकाका कुरामा स्थानीय सरकारसँग समन्वय गर्न चाहेको पटक्कै महसुस हुन्न,’ उनले लेखे, ‘पटकपटकको कोशिसपछि ९ महिनामा पटकपटक पहल गर्दा पनि समन्वय गर्न र समन्वय भएका कुराहरु कार्यान्वयन गर्न मुस्किल परेको अवस्था छ।’
शाहको यो अभिव्यक्तिप्रति असन्तुष्टि पोख्दै सरकारले मन्त्रिपरिषदबाट सचेत गराउने निर्णय गरेपछि दुई सरकारका बीचमा टकराव बढ्ने देखिएको छ।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा बसेको मन्त्रिपरिषद्को बैठकले काठमाडौं उपत्यकाको फोहोर उठाउने जिम्मा स्थानीय तहको भएकाले आफ्नो जिम्मेवारीबोध गरेर काम गर्न मेयर साहलाई सचेत गराउने निर्णय गरेको हो।
बैठकमा शीतल निवास, बालुवाटार र सिंहदरबारको फोहोर नउठाउने काठमाडौं महानगरपालिकाका मेयर शाहको अभिव्यक्ति अव्यावहारिक रहेकाले नीतिगत व्यवस्थाको परिपालना गर्न आग्रह गरेको हो।
बैठकपछि सञ्चारकर्मीहरूसँग कुरा गर्दै सरकारकी प्रवक्ता एवं सञ्चार तथा सूचना प्रविधिमन्त्री रेखा शर्माले सिंहदरबार, बालुवाटार, शीतल निवासको फोहोर नउठाउने भन्ने काठमाडौं महानगरका प्रमुखको घोषणा नीतिगत व्यवस्थाविरुद्ध रहेको बताइन्।
उनले बैठकमा नीतिगत व्यवस्था अनुसार फोहोर उठाउन आग्रह गर्ने र फोहोर नउठे नीति पालना गर्न सरकारले गम्भीरतापूर्वक ध्यानाकर्षण गराउने विषयमा छलफल भएको बताइन्। उनले बैठकमा आयातित तथा उत्पादित सम्पूर्ण खाद्य पदार्थमा जीवनाषक विषादीको प्रयोगमा सीमा निर्धारण गर्ने विषयलाई मन्त्रिपरिषदबाट स्वीकृत गरिएको पनि जानकारी दिइन्।
हाल जारी विवादबारे काठमाडौ महानगरपालिका सहायक प्रवक्ता दिपक अधिकारीले आफ्नो कुनै धारणा नरहेको तर सिंहदबार र शीतल निवासको फोहोर उठाउनेबारे कुनै निर्णय नभएको बताए।
योसँगै दुई सरकारका बीचमा संवाद हुन नसकेमा केही दिन अझै विवाद जारी रहने देखिन्छ। फोहोर नउठेपछि राष्ट्रपति कार्यालय शीतल निवासले महानगरपालिकालाई फोन नै गरेर फोहोर उठाइदिन आग्रह गरेको थियो। तर फोहोर उठाउन महानगरले निर्देशन नदिएकाले आफूहरुले नसक्ने जवाफ शीतल निवास र त्यस वरपरको क्षेत्रबाट फोहोर संकलन गर्दै आएको परिवर्तन सेवा प्रालिले दिएको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
