काठमाडौं– प्रजातान्त्रिक आन्दोलनका योद्धा दुर्गा सुवेदीको संस्मरणात्मक पुस्तक ‘विमान विद्रोह’ सार्वजनिक भएको छ।
शनिबार पर्यटन बोर्डमा विशेष कार्यक्रम गरी पुस्तक विमोचन गरिएको हो। पुस्तकमा २०३० सालको विमान अपहरणमा सुवेदीको संलग्नता र त्यसले निम्त्याएका तात्कालिक राजनीतिक परिस्थिति र घटनाक्रम माथिका अनुभूतिहरु समावेश छन्।
विमान अपहरणमा संलग्न भएवापत सुवेदीले भारतीय जेलमा काटेका दुई वर्ष, १० वर्षको प्रवास बसाइ, तात्कालिन माओवादीको सशस्त्र संघर्षको साथै श्रीमती शुशीला कार्की प्रधानन्यायाधीश हुँदाको समयमा तत्कालिन अख्तियार प्रमुख लोकमानसिंह कार्कीले प्रस्ताव गरेको आर्थिक प्रलोभन लगायत प्रसंङ्ग उल्लेख छन्।
पुस्तकमाथि चर्चा गर्दै नयाँ शक्ति नेपालका संयोजक डा बाबुराम भट्टराईले तात्कालिन परिवेशमा दुर्गा सुवेदीले अंगालेको बाटो अनुकरणीय रहेको बताए। राजनीतिक परिर्वतनका लागि समय सापेक्षका निर्णय र आन्दोलन जरुरी रहेकाले कुन ठिक कुन बेठिक भन्नु कठिन हुने तर्क उनको थियो।
नेपाली कांग्रेसका नेता गगन थापाले पुस्तकमा सुवेदीले विमान अपहरणको आरोपमा जेलमा बस्दा, भागेर भारत पुगेको, भारतको चिप्को आन्दोलन लगायत विभिन्न कालखण्डका राजनीतिक घटनाक्रमका विविध विषय समावेश भएको बताए। उनले तात्कालिन समयमा काग्रेस कस्तो रहेछ भन्नेबारे बुझ्नका लागि पुस्तकमा यथेष्ट विषयवस्तु समावेश भएको उल्लेख गरे।
व्यक्तित्व र स्वभावका आधारमा दुर्गा सुवेदी जस्तो बन्न गाहो रहेको थापाले टिप्पणी गरे। सुवेदीले लोकाचार, लालसा र डरविना नै तात्कालिन पात्र र तिनका प्रवृत्ति पुस्तकमा उतारेको नेता थापाले बताए। उनले आजको पुस्ताको कांग्रेसले ‘विमान विद्रोह’ पुस्तकबाट तात्तकालिन राजनीति र राजनीतिका पात्रबारे यथेष्ट जानकारी लिन सक्ने उनको भनाइ थियो।
‘विमान विद्रोह’ कृतिमा नेपाली कांग्रेसको तात्किालिन पार्टी राजनीतिको अहिलेसम्म बाहिर नआएका धेरै प्रसङ्गहरु पनि भेटिन्छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
