काठमाडौं– प्रतिनिधि सभाका विषयगत समितिको सभापति चयन गर्न निर्वाचन मिति तोकिएसँगै आकांक्षीहरुको सक्रियता बढेको छ। भदौ ५ गते १० वटा विषयगत समितिको सभापति चयन हुँदै छ।
१० वटा विषयगत समितिमध्ये प्रमुख प्रतिपक्ष नेपाली काँग्रेसले सार्वजनिक लेखा समितिको नेतृत्व पाउने लगभग पक्का भएको छ। लेखा समितिको नेतृत्व विपक्षी दलको नेतालाई दिने संसदीय अभ्यासअनुसार कांग्रेसलाई दिन लागिएको हो।
लेखा समितिले मन्त्रालयहरुले गरेका अनियमितताको छानबिन गर्ने अधिकार भएको र त्यसमा प्रतिपक्षी दलको सांसदको नेतृत्व हुँदा मात्र प्रभावकारी हुने भएकाले लेखा समिति विपक्षी दलको नेतृत्व विपक्षी दललाई दिने अभ्यास छ।
कांग्रेसभित्रै प्रतिस्पर्धा
लेखा समितिको सभापतिका लागि नेपाली काँग्रेसभित्र प्रतिस्पर्धा देखिएको छ। सांसद भरतकुमार शााह र मिनेन्द्र रिजालले समितिकाे सभापति दाबी गरेका छन्। शाह पार्टी सभापति शेरबहादुर देउवा निकट नेता भएकाले उनले पाउने सम्भावाना धेरै छ।
उनी रुपन्देहीका लोकप्रिय नेता हुन्। लगातार ३ पटक विजयी भए। गत निर्वाचनमा १३ हजार ७ सय मतान्तरले उनी विजयी भएका थिए। शाह अर्थ राज्यमन्त्री समेत भइसकेका नेता हुन्।
तर, देउवा निकटकै केही नेताहरु उनलाई रोकेर रिजाललाई सभापति बनाउने खेलमा लागेको स्रोत बताउँछ।
नेता रिजालले उक्त समितिले सरकारले गरेका अनियमितताको छानविन गर्न पर्ने भएकाले आफु सक्षम र योग्य भएको दावी गरेका छन्। तर, विगतमा पनि विभिन्न मन्त्रालयको जिम्मेवारी उनले पाएकाले यसपटक विगतमा अवसर नपाएका शाहलाई नेतृत्व दिनुपर्ने आवाज पार्टीभित्र छ। इमान्दार नेताका रुपमा शाहको पहिचान छ।
लेखा समितिमा २७ सदस्य छन्। जसमध्ये काँग्रेसबाट तेजुलाल चौधरी,पार्वती डिसी चौधरी,मिना सुव्बा, भरतबहादुर शाह, मिनेन्द्रप्रसाद रिजाल, मोहन आचार्य र राजेन्द्रकुमार केसी सदस्य छन्।
समितिका सदस्यहरु-
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
