फेक समाचार पत्ता लगाउन फेसबुकले नयाँ बटन ल्याउँदै, परीक्षण सुरु

अन्तर्वार्ता

नेपाल लाइभ शनिबार, असोज २१, २०७४ १६:४३

फेसबुक प्रयोगकर्ताले न्युज फिडमा आउने फेक समाचारबाट दिग्भ्रमित हुनुपर्ने बाध्यता अब हट्ने भएको छ । फेसबुकले एउटा नयाँ बटनको परीक्षण गरिरहेको छ, जसले प्रयोगकर्तालाई फेसबुक चलाइरहँदा यसबाट बाहिर नगई एक क्लिकमै कुनै समाचारको असली स्रोतमा लैजानेछ । यसले प्रयोगकर्तालाई गलत जानकारीबाट बचाउने अपेक्षा गरिएको छ।

फेसबुकको प्रोडक्ट म्यानेजर एन्ड्रियू एंकर, सारा सू र जेफ स्मिथले संयुक्त ब्लग पोस्टमा भनेका छन्, 'हामी एउटा बटनको परीक्षण गरिरहेका छौं, जसबाट प्रयोगकर्ताहरुलाई कतै ननिस्किई सजिलै अतिरिक्त सूचना हासिल हुन सक्छ।'

अतिरिक्त सूचना फेसबुक र दोस्रो स्रोतबाट लिइनेछ । यस्तो सूचना उपलब्ध नहुने केही सन्दर्भमा फेसबुकले त्यसबारेमा बताउने जनाइएको छ।

कसरी प्राप्त हुन्छ सूचना ?

नयाँ अपडेटपछि फेसबुकको न्युज फिडमा आउने समाचार तथा लेखसँगै एउटा बटन देखिनेछ । यसमा क्लिक गरेपछि सो समाचारको वास्तविक स्रोतको बारेमा पूरा जानकारी पाइनेछ।

बटनमा क्लिक गरेसँगै न्युज पब्लिसरको विकिपिडिया पेज खुल्नेछ । यदि समाचार प्रकाशन गर्ने स्रोतको विकिपिडिया पेज छैन भने फेसबुकले दोस्रो स्रोतको रुपमा पब्लिसरको प्रोफाइल प्रयोगकर्तालाई उपलब्ध गराउनेछ।

समाचारसँग सम्बन्धित अरु समाचार पनि देखिने

यो बटनसँगै त्यो समाचारसँग सम्बन्धित अरु समाचार पनि देखिनेछ । जसले फेसबुक प्रयोगकर्ताले त्यो समाचार कुन मिडियाबाट प्रकाशन भएको भनेर थाहा पाउन सक्नेछन् । फेसबुकलाई त्यो समाचार फेक हो भनेर शंका लागेमा यस्तो हुनेछ।

विकिपिडियामा रहेका गलत जानकारीका बारेमा पनि फेसबुक सजग देखिएको छ । उसले यसबारे विकीपिडियासँग कुरा गरिरहेको बताएको छ । एजेन्सी

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)