फाइल तस्बिर
दमौली- सोमबार राति परेको वर्षापछि गएको पहिरोले अवरुद्ध डुम्रे–बेँसीशहर सडकखण्ड एकतर्फी सञ्चालन भएको छ।
तनहुँको भानु नगरपालिका–८ स्थित पाँचसय फाँटमा पहिरो जाँदा अवरुद्ध भएको सडकखण्ड मंगलबारदेखि एकतर्फी सञ्चालनमा आएको हो। सडकभन्दा माथिको ढिस्को खसेर लेदोसहितको पहिरोले सडकखण्ड अवरुद्ध हुँदा सवारीसाधन रोकिएका थिए।
उक्त सडकखण्ड एकतर्फी सञ्चालनमा आएपछि रोकिएका सवारीसाधनलाई गन्तव्यतर्फ पठाइएको जिल्ला प्रहरी कार्यालय तनहुँका प्रहरी नायब उपरीक्षक युवराज तिमिल्सिनाले जानकारी दिए।
सडक डिभिजन कार्यालयका सहयोगमा जेसिभी प्रयोग गरी पहिरो पन्छ्याएर दुईतर्फी सञ्चालनमा ल्याउने काम भइरहेको छ। “दुईतर्फी रुपमा बाटो सुचारु गराउन केही समय लाग्ने देखिएको छ,” उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
