बनेपा- काभ्रेपलाञ्चोकको रोशी गाउँपालिका-७ मा सडकमाथिबाट खसेको ढुङ्गा लागेर एक जनाको मृत्यु भएको छ। बीपी राजमार्गअन्तर्गत कटुञ्जेस्थित सडकमा गुडिरहेको मोटरसाइकलमा आज बिहान माथिबाट खसेको ढुङ्गा लागेको थियो।
प्रहरीका अनुसार धुलिखेलबाट जनकपुरतर्फ जाँदै गरेको ज ८ प ७४९० नं को मोटरसाइकलमा सवार दुई जनालाई ढुङ्गा लागेर घाइते भएकोमा उपचारका क्रममा एक व्यक्तिको मृत्यु भएको हो। जिल्ला प्रहरी कार्यालयका प्रहरी नायव उपरीक्षक हरि खतिवडाका अनुसार मृत्यु हुनेमा महोत्तरीको रामगोपालपुर घर भएका वर्ष २८ का सरोजकुमार साह रहेका छन्।
मोटरसाइकल चालक साहको धुलिखेल अस्पतालमा उपचारका क्रममा मृत्यु भएको हो। साहको शव अस्पतालमा नै रहेको प्रहरीले जनाएको छ।
सोही मोटरसाइकलका पछाडि सवार रहेका धनुषाको रामानन्दचोक घर भएका वर्ष ३० का सतिसकुमार साहको भने घाइते भइ अस्पतालमा उपचाररत रहेको प्रहरीले जनाएको छ। प्रहरीका अनुसार साहको पेट र अनुहारमा चोट लागेको र उनको अवस्था सामान्य रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
