रुकुम(पूर्व)- कोरोना संक्रमित बिरामीका लागि बनाइएका यहाँका आइसोलेसन वार्ड अहिले खाली भएको छ। पछिल्लो समय भूमे गाउँपालिको आइसोलेसन र रुकुम (पूर्व) अस्पतालको आइसोलेसनका संक्रमित डिस्चार्ज भएकाले त्यहाँका वार्ड खाली भएका हुन्।
सिस्ने गाउँपालिकाले भने आइसोलेसन अस्पताललाई नै हस्तान्तरण गरेकामा त्यहा कोभिड सङ्क्रमितको उपचार हुँदै आएको छ। जिल्लास्थित सबै आइसोलेसनमा रहेका संक्रमित निको भई डिस्चार्ज भइसकेका र नयाँ संक्रमित भर्ना नभएकाले साउन ३२ गतेदेखि नै ती वार्ड खाली भएको स्वास्थ्य कार्यालयका स्रोत व्यक्ति नीमप्रसाद गिरीले जानकारी दिए। पुथाउत्तरगङ्गा गाउँपलिकाको आइसोलेसन भने यसभन्दा अगााडि नै खाली भइसकेको थियो।
अहिले जिल्लामा २५ सक्रिय संक्रमित रहेका र उनीहरू सबै होम आइसोलेससनमा छन्। उनका अनुसार कोरोनाको दोस्रो लहर सुरु भएयता हालसम्म ५४१ मा कोरोना संक्रमण देखिएकामा ५१० निको भइसकेका र १३ को मृत्यु भएको थियो। पछिल्लो समय जिल्लामा कोरोना संक्रमित घट्दै गएको पाइएको छ।
अस्पतालसहित जिल्लाका तीनवटै गाउँपालिका र विभिन्न स्वास्थ्यचौकीबाट कोरोनाको परीक्षण भइरहेकामा संक्रमित घट्दै गएकाले परीक्षणको दायरा पनि घटाइएको छ। अहिले अस्पतालमा मात्रै दैनिक परीक्षण भइरहेको स्रोतव्यक्ति गिरीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
