काठमाडौं- पर्यटन क्षेत्रका अगुवा सङ्गठनले सबै नागरिकलाई कोभिड-१९ विरुद्धको खोपको शीघ्र व्यवस्था गरी नागरिकलाई सुरक्षित गर्न सरकारसमक्ष माग गरेका छन्।
ट्रेकिङ एजेन्सिज एसोसिएसन अफ नेपाल टान, नेपाल एसोसिएसन अफ टूर एन्ड ट्राभल एजेन्ट्स (नाट्टा), होटल सङ्घ, पर्वतारोहण सङ्घ, लगायत १२ भन्दा बढी संस्थाले आज स्वास्थ्य तथा जनसङ्ख्या राज्यमन्त्री उमेश श्रेष्ठसँग उनकै कार्यकक्षमा भेट गरी कोभिड महामारीबाट बच्ने एकमात्र प्रमुख आधार नै खोप भएकाले खोपको सुनिश्चितता गर्न आग्रह गरेका हुन्।
व्यवसायीले राज्यमन्त्री श्रेष्ठलाई तीन बुँदे संयुक्त मागपत्र बुझाउँदै देशभरिका पर्यटकीय गन्तव्यमा अग्रपङ्क्तिमा खटिएका पर्यटन सेवा प्रदायक एवं सम्बन्धित क्षेत्रका कामदार, कर्मचारी तथा सरोकारवालालाई कोभिडविरुद्धको खोप ३० दिनभित्र उपलब्ध गराउन माग गरेका छन्।
कोभिडविरुद्धको खोपको मात्रा पूरा गरेर आउने विदेशी पर्यटकलाई क्वारेन्टिनमा बस्न नपर्ने तथा तथा पीसीआर परीक्षणको व्यवस्था त्रिभुवन अन्तर्राष्ट्रिय विमानस्थललगायत नेपाल प्रवेश विन्दुहरुमा व्यवस्था गरी 'पोजेटिभ' केसलाई मात्र क्वारेन्टिनमा बस्नुपर्ने व्यवस्था मिलाउन अनुरोध गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
