काठमाडौं- नेपाल प्रहरीले कम्बोडिया पठाइदिने भन्दै विभिन्न व्यक्तिसँग ३९ लाख रुपैयाँ ठगी गर्ने एक जनालाई पक्राउ गरेको छ।
प्रहरीको महानगरीय अपराध महाशाखाको टोलीले भिजिट भिसामा कम्बोडिया पठाउने भनी ठगी गर्ने काभ्रेपलाञ्चोक महाभारत गाउँपालिका-१ का २८ वर्षीय मीनध्वज भन्ने विचारमान मोक्तानलाई आज नयाँबानेश्वरबाट पक्राउ गरेको हो।
पक्राउ परेका मोक्तानले कम्बोडियाको क्यासिनोमा गार्डमा काम लगाई दिने भन्दै प्रतिव्यक्ति छ लाख ५० हजार रुपैयाँ लिएर ठगी गरेको प्रहरी प्रधान कार्यालयले जनाएको छ। उनले छ जना व्यक्तिलाई ठगी गरेको बताइएको छ।
पक्राउ परेका मोक्तानलाई थप अनुसन्धानका लागि वैदेशिक रोजगार विभाग बुद्धनगर पठाइएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764508750.jpg)
-1764146706.png)
-1763721444.png)
-1763559424.jpg)
-1764080971.png)
