सांकेतिक तस्बिर
सिन्धुपाल्चोक- अविरल वर्षाका कारण पहिरो जाँदा नवलपुर-चौतारा सडकखण्ड अवरुद्ध भएको छ।
इन्द्रावती गाउँपालिका-२ स्थित बेंशीमा पहिरो गएपछि सडक अवरुद्ध हुन पुगेको स्थानीयवासी विष्णु भारतीले जानकारी दिए। सडकमा खसेको लेदो सोहोर्ने काम भए पनि सडकको डिल नै भत्केकाले चारपाङ्ग्रे सवारी छिर्नसक्ने अवस्था नरहेको पनि उनले बताए।
निरन्तर रुपमा पहिरो खसिरहेकाले तत्काल सडक सञ्चालन गर्न नसकिने इन्द्रावती-२ का वडाध्यक्ष वरिबहादुर तामाङले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।