प्रतीकात्मक तस्वीर
सिमकोट– काठको साँघु तर्ने क्रममा चिप्लिएर नदीमा खस्दा दुई जना बेपत्ता भएका छन्।
बेपत्ता हुनेमा ४२ वर्षीय जस्या रावल र १६ वर्षीया सुनिता रावल रहेका छन् ।
हुम्लाको खार्पुनाथ गाउँपालिका– २, थाली र बाजुराको कवाडी सीमाक्षेत्रकाे यार्बाबाट उनीहरु बेपत्ता भएको जनाइएको छ।
बाजुराको वन क्षेत्रमा जडीबुडी संकलन गर्न जानेक्रममा उनीहरु बुधबार साँझदेखि नै बेपत्ता भएकाे स्थानीय तारा रावलले जानकारी दिइन्। हराइरहेकाहरुको खोजी जारी रहेको उनले भनाइ छ।
जडीबुटी संकलनका लागि थाली गाउँका करिब ३० जना गएका बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।