फाइल तस्वीर
राजविराज– राजविराजस्थित गजेन्द्रनारायण सिंह अस्पतालमा सञ्चालित पीसीआर परीक्षण विगत ११ दिनदेखि बन्द रहेको छ। सम्भावित कोभिड–१९ को तेस्रो लहरको खतरा बढिरहेका बेला पीसीआर परीक्षण रोकिँदा सर्वसाधारण समस्यामा परेका छन्।
परीक्षणका लागि पीसीआर मेसिनमा स्याम्पल लोड गर्दा रिपोर्ट नेगेटिभ आउने ठाउँमा पोजेटिभ देखाउने र पोजेटिभको ठाउँमा नेगेटिभ आउने गरेकाले तत्कालका लागि परीक्षण सेवा बन्द गरिएको अस्पतालका ल्याब इञ्चार्ज प्रकाशकुमार यादवले बताए।
एन्टिजेन परीक्षण जारी रहेको उल्लेख गर्दै उनले पीसीआर मेसिनमा स्वाबको स्याम्पल लोड गर्दा मेसिनले राम्रो नतिजा दिन नसकेको बताए।
पीसीआर मेसिनमा प्राविधिक गडबडी भएका कारण कोरोना भाइरसको स्वाब परीक्षण सञ्चालन हुन नसकेको मेडिकल सुपरिन्टेन्डेन्ट डा रणजीतकुमार झाले जानकारी दिए।
दैनिक २० देखि २५ जना परीक्षणका लागि अस्पतालमा आउने गरेकामा यसरी पीसीआर मेसिन बिग्रिँदा जिल्लामा कोरोनाको संख्यासमेत बुझ्न समस्या हुने गरेको बताइएको छ।
यसअघि यही साउन १२ गते पनि पीसीआर मेसिनमा गडबडी हुँदा दुई दिन परीक्षण कार्य बन्द भएको थियो । प्राविधिक ल्याएर मर्मत गराउँदा सञ्चालन गरिएको भए पनि केही दिन चलेर अहिले फेरि पीसीआर मेसिनमा स्याम्पल लोड गर्दा रिपोर्ट केही नदिने भएपछि परीक्षण सेवा बन्द भएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764508750.jpg)
-1764146706.png)
-1763721444.png)
-1763559424.jpg)
-1764080971.png)
