सुर्खेत– मध्यपश्चिम विश्वविद्यालय केन्द्रीय क्याम्पसमा आन्दोलनरत विद्यार्थीले उपकुलपति प्राडा नन्दबहादुर सिंहको गाडी तोडफोड गरेका छन्।
विश्वविद्यालयको स्कूल अफ म्यानेजमेन्टमा मंगलबार अपराह्न आयोजित एक कार्यक्रममा उपकुलपति सिंह सहभागी भइरहेका बेला विद्यार्थीले पार्किङ गरी राखेको गाडी तोडफोड गरेका हुन्।
उपकुलपतिको गाडीमा दुईपटक तोडफोड भएको विश्वविद्यालयका रजिष्ट्रार प्राडा नारायणप्रसाद पौडेलले बताए। अन्तक्र्रिया भइरहेका बेलामा ढुङ्गामुढा गर्नुका साथै निवासमा पार्किङ गरी राखिएको अवस्थामा साँझ बञ्चरो प्रहार गरिएको उनले बताए। तोडफोडबाट गाडीको सिसा फुटेको बताइएको छ।
विश्वविद्यालयमा चार विद्यार्थी सङ्गठन अनलाइन माध्यमबाट परीक्षा सञ्चालन हुनुपर्ने, छात्रवृत्ति कोटा बढाउनुपर्ने, विश्वविद्यालयका पदाधिकारीद्वारा यसअघि सार्वजनिक अभिव्यक्तिमाथि छानबिन हुनुपर्ने, तत्काल स्ववियु निर्वाचनको मिति तोकिनुपर्नेलगायत माग राखेर आन्दोलित छन्। केही दिनयता विद्यार्थी रिले अनशनसमेत जारी राखेका छन्।
विश्वविद्यालयले एक विज्ञप्ति जारी गर्दै उपकुलपतिलाई लक्षित गरी गाडीमा प्रहार गर्ने अराजक समूहलाई कारबाही गर्न माग गरेको छ।
यस्तै विद्यार्थी संगठनले आन्दोलनमा दमन गर्ने विश्वविद्यालय पदाधिकारीलाई कारबाहीको माग गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764508750.jpg)
-1764146706.png)
-1763721444.png)
-1763559424.jpg)
-1764080971.png)
