झापा– झापाको भद्रपुरबाट लागुऔषध ब्राउन सुगरसहित भारतीय नागरिकलाई पक्राउ परेका छन्। भद्रपुर–३ स्थित किच्चकबधबाट शनिबार २१ दशमलव २६० ग्राम ब्राउनसुगरसहित भारतीय नागरिकलाई पक्राउ गरिएको प्रहरीले जनाएको छ।
पक्राउ पर्नेमा पश्चिम बंगाल तोतापाडाका २८ वर्षीय श्रवण राय रहेको जिल्ला प्रहरी कार्यालय झापाका प्रवक्ता प्रहरी नायब उपरीक्षक राकेश थापाले जानकारी दिए।
भारतबाट नेपालतर्फ शंकास्पद अवस्थामा आउँदै गरेका रायलाई जिल्ला प्रहरी कार्यालय र सीमा प्रहरी चौकी पृथ्वीनगरको संयुक्त टोलीले जाँच गर्दा ब्राउनसुगर बरामद भएको थापाले बताए।
यसैबीच भद्रपुर–३, हातिमाराबाट प्रहरीले सोही वडाका २४ वर्षीय खेमराज कुँवरलाई पनि शनिबार लागुऔषधसहित पक्राउ गरेको छ। प्रहरीले उनको साथबाट स्कुफ–३ बोतल र निट्रोसन ट्याबलेट एक पत्ता (१० पिस) बरामद गरेको प्रनाउ थापाले जानकारी दिए।
पक्राउ परेका दुवै जनालाई जिल्ला प्रहरी कार्यालय झापामा राखेर अनुसन्धान भइरहेको र जिल्ला अदालत झापाबाट आज म्याद थपको अनुमति लिएर थप कानुनी प्रक्रिया अगाडि बढाइने कार्यालयले जनाएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787645626.png)
-1786602170.png)
-1786513116.png)
