बाँके- जिल्ला प्रहरी कार्यालय बर्दियाले सार्वजनिक अपराध मुद्दामा सजाय तोकी फरार रहेका तीन जनालाई पक्राउ गरेको छ।
बर्दिया जिल्ला अदालतको २०७२ चैत ९ गतेको आदेशले केही सार्वजनिक अपराध मुद्दामा जनही पाँच हजार रुपैयाँ जरिवानाको आदेश भएपछि फरार रहेका कसुरदार राजापुर-१ का अशोक चौधरी र केशव थारूलाई पक्राउ गरेको हो। उनीहरूलाई इलाका प्रहरी कार्यालय राजापुरको प्रहरी टोलीले पक्राउ गरी जिल्ला अदालत गुलरियामा बुझाइएको प्रहरी नायव उपरीक्षक हेमबहादुर शाहीले बताए।
त्यस्तै जिल्ला अदालतको २०७७ पुस १५ गतेको आदेशले सवारी ज्यान मुद्दामा दुई महिना चार दिन कैद सजाय तोकिएपछि फरार रहेका बारबर्दिया नगरपालिका-८ का २७ वर्षीया सुमन चौधरीलाई पक्राउ गरिएको छ।
चौधरीलाई इलाका प्रहरी कार्यालय जयनगर बर्दियाको प्रहरी टोलीले पक्राउ गरी बर्दिया जिल्ला अदालत गुलरियामा बुझाइएको प्रहरी नायव उपरीक्षक शाहीले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
