केटी : हेल्लो, मलाई मिस्डकल हान्ने हु आर यु?
केटा : हेल्लो, म तिम्रो भाइको भिनाजु?
केटी : हेल्लो, यु सिल्ली ब्याड बोइ, ह्वेर आर यु?
केटा : हेल्लो, म तिम्रै मन मुटुभित्र छु।
केटी : मलाई म्यासेन्जरमा हैरान पार्छौ, भाइबरमा नि हैरान।
केटा : तिम्रो फलो गर्दागर्दै मेरो जाने भो क्या परान।
केटी : हे फेसबुक आइडी नि फेक हो कि? फोटोसोटो नि छैन।
केटा : आइ वान् टु लभ यु, अरु केहि हैन।
झण्डै एक वर्षअघि सार्वजनिक यो गीतले युवामाझ निकै चर्चा कमाएको थियो। फरक आवाज, फरक भाषाशैली र फरक प्रकारको संगीत गरेर गीत युट्युबमा राखिएको थियो। सार्वजनिक यातायातमा पनि यो गीत धेरै बज्नेमध्येमा नै पर्छ। यही गीतबाट अरुभन्दा फरक आवाजका रुपमा चर्चा कमाएकी गायिका हुन्, सारिका घिमिरे।
उनी सानैदेखि चञ्चले स्वभावकी थिइन्। नाच्न, गाउन र अभिनय गर्न हुरुक्क हुन्थिन्। उनको रुचीलाई परिवारले पनि साथ दिए। सुरुमा उनको रहर फिल्ममा अभिनेत्री बन्ने थियो। त्यसैले करिअरको सुरुवाती दिनहरुमा उनी नायिका बन्ने दौडमा लागिन्।
सारिकाले साहित्यकार झमक घिमिरेको पुस्तक ‘जीवन काँडा कि फूल’ मा आधारित फिल्ममा काम गर्ने मौका पनि पाएकी थिइन्। उक्त फिल्ममा सारिकाले झमककी दिदीको भुमिका निर्वाह गर्ने मौका पाइन्।
सारिकाको अभिनयको राम्रो चर्चा भयो। तर, यो फिल्म व्यावसायिक रुपमा सफल हुन सकेन। केहि सीमित कलाकारबाहेक अन्यको अभिनय त्यसैमा मात्र सीमित भयो। सारिकाले पनि फिल्म क्षेत्र छाडिदिइन्।
त्यसपछि उनी गायनमा लागिन्। अहिले आफू सफलताका लागि संघर्ष गरिरहेको उनी बताउँछिन्। उनी आफूले गाएको म्युजिक भिडियोमा भने अभिनय गर्ने सोचमा छिन्। उनले भनिन्, ‘पहिले म अभिनय गर्नकै लागि जन्मिएकी हुँ जस्तो लाग्थ्यो, तर फिल्म खेलिसकेपछि भने गीत गाउन जन्मेकी रहेछु जस्तो लाग्छ।’
उनी बेलाबखत आफैं शब्द कोर्छिन् र संगीत पनि गर्छिन्। विभिन्न गुरुहरुबाट संगीतको शिक्षा लिइरहेकी छिन्।
संगीतमा मात्रै लागेर जीविकोपार्जन गर्ने कलाकार नेपालमा थोरै छन्। धन कमाउनुको सट्टा उल्टै मानसिक समस्याको भार थपेर यो क्षेत्रबाट बाहिरिने कलाकारको संख्या पनि कम छैन। तर, सारिका धन कमाउन संगीतमा नलागेको बताउँछिन्। उनले भनिन्, ‘संगीत भनेको साधना हो, पैसा कमाउने व्यवसाय हैन। केहीले मिहिनेत गरेर पैसा कमाएका पनि छन्, यो खुशीको कुरा हो। तर, म पैसा कमाउनकै लागि आएकी होइन। कमाउन सकिए राम्रै हो।’
सारिका पैसा कमाउने अरु नै मेलोको खोजीमा छिन्। त्यसैले केहि साथीभाइसँग मिलेर रेकर्डिङ स्टुडियो खोल्ने सोच छ। तर, अहिले त कोभिड–१९ का कारण रेकर्डिङ स्टुडियोहरु नै धमाधम बन्द हुन थालेका छन्। यस्तो अवस्थामा नयाँ स्टुडियो खोल्ने कुरा अस्वाभाविक लाग्छ। तर, अब सधैं कोभिड भनेर बस्न नसकिने उनको भनाइ छ।
हरेक महामारीका समयमा कलाकारहरु दर्शक र श्रोताको मानसिक स्वास्थ्यको ‘थेरापी’ बन्छन्। सारिकाले भनिन्, ‘२०७२ सालमा भुकम्प जाँदा हामी कलाकार ठाउँ-ठाउँमा गएर रमाइलो गराएका थियौं। तर, अहिले भने मानिसहरु एक्लिएका छन्। यस्तो अवस्थामा डिजिटल माध्यमबाट श्रोता दर्शकको घर-घरमा जानुपर्ने भएको छ।’
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1734781523.png)
