काठमाडौं- नागरिक लगानी कोषले आर्थिक वर्ष २०७६/७७ को आम्दानीबाट नौ प्रतिशत लाभांश सेयर र ८.८९ प्रतिशत नगद लाभांश वितरण गर्ने भएको छ। कोषको शुक्रबार सम्पन्न २६ औँ वार्षिकोत्सव एवं साधारणसभाबाट उक्त प्रस्ताव स्वीकृत भएको हो।
त्यसैगरी साधारणसभाले आव २०७६/७७ को वार्षिक प्रतिवेदनसमेत पारित गरेको छ। उक्त प्रतिवेदनसँगै लेखापरीक्षकको प्रतिवेदनसहितको २०७७ असार मसान्तको वासलात, नाफा नोक्सान हिसाब र नगद प्रवाहसम्बन्धी विवरणसमेत पारित गरेको कोषले जनाएको छ।
कोषले चालु आर्थिक वर्षको जेठ मसान्तसम्म एक खर्ब ७२ अर्ब रुपैयाँ बराबरको रकम संकलन गरेको छ। यस्तै सो अवधिसम्म एक खर्ब ७१ अर्ब ९७ करोड रुपैयाँ बराबरको लगानी गरेको छ। कोषको पुँजी वृद्धि हुनका साथै कारोबारसमेत विस्तार भएको छ।
कोषको आर्थिक वर्ष २०७६/७७ को करपछिको खुद नाफा ६१ करोड ९६ लाख ७० हजार रुपैयाँ रहेको छ। खुद नाफामध्ये बाँडफाँटयोग्य रकम ५५ करोड ३६ लाख ७२ हजार रुपैयाँ रहेको सो अवसरमा जानकारी दिइयो।
कार्यक्रममा कार्यकारी निर्देशक रमण नेपालले कोषको वस्तुस्थितिबारे जानकारी दिँदै थप विस्तारितरूपमा अगाडि बढ्ने उल्लेख गरे। कोषको कारोबार विस्तार गर्दै स्वरोजगार र वैदेशिक रोजगारमा रहेका नागरिकलाई आबद्ध गराउने उद्देश्यले नागरिक पेन्सन योजना कार्यक्रम सुरु भइसकेको कार्यकारी निर्देशक नेपालको भनाइ छ।
मुलुकको पुँजीबजारको विकास, विस्तार र स्थायित्व प्रदान गर्ने उद्देश्यले कोषको अग्रसरतामा नागरिक स्टक डिलर कम्पनी स्थापना गरी कारोबार सुरु भएको छ।
कोषले एनएलके वेभ बेस्ड सफ्टवेयर पूर्णरूपमा लागू गरेको छ भने सरकारको सरकारी लेखा प्रणाली (सीगास) सफ्टवेयरमा डाटा आदानप्रदान गर्ने कार्य सम्पन्न भएको छ। त्यस्तै नयाँ सफ्टवेयरको प्रयोगका लागि आवश्यक उपकरण खरिद गरी कोषको प्रणालीमा जडान गरिसकिएको छ। कोष सञ्चालक समितिका अध्यक्ष प्राडा रामचन्द्र भट्टराईले सेवा विस्तार गर्दै कोषलाई भरपर्दो संस्थाका रूपमा अगाडि बढाइएको जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764510879.png)
-1764146706.png)
-1763721444.png)
-1763559424.jpg)
-1764080971.png)
