लहान– पूर्व पश्चिम राजमार्गअन्तर्गत सिरहामा गुडिरहेको टिपरमा आगलागी भएको छ। कर्जन्हा नगरपालिका–१० प्रयागपुरमा आज बिहान गुडिरहेको टिपरमा अचानक आगलागी हुँदा जलेर नष्ट भएको छ।
इँटा बोकेर पश्चिमबाट पूर्वतर्फ जाँदै गरेको ना१क ५५५१ नंको टिपरमा अचानक आगलागी भएको प्रहरीले जनाएको छ। गुड्दै गरेको टिपरमा आगलागी भएपछि चालकले हामफालेर ज्यान जोगाएको स्थानीयवासीको भनाइ छ।
समयमा आगो निभाउन नसक्दा टिपर पूर्ण रुपमा नष्ट भएको प्रहरीले जनाएको छ। जलेको टिपर हटाई सडक सञ्चालन गरी घटनाबारे थप अनुसन्धान भइरहेको इलाका प्रहरी कार्यालय मिर्चैयाका प्रहरी नायब उपरीक्षक राजेन्द्र श्रेष्ठले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
